جۇما, 29 ناۋرىز 2024
2698 1 پىكىر 30 قىركۇيەك, 2019 ساعات 11:40

ماسكەۋدە ساياسي تۇتقىنداردى قولداۋ اكتسياسىنا 20 مىڭنان استام ادام قاتىستى

29 قىركۇيەكتە ماسكەۋدە اكادەميك ساحاروۆ داڭعىلىندا ساياسي تۇتقىنداردى قولداۋ اكتسياسى ءوتتى. جينالعاندار "ماسكەۋ ءىسى" بويىنشا ايىپتالعانداردى بوساتۋدى تالاپ ەتتى. اكتسيانى وتكىزۋگە بيلىك رۇقسات بەرگەن.

كوممەرتسيالىق ەمەس "بەلىي سچەتچيك" توبىنىڭ دەرەگىنشە، بىرنەشە ساعاتتا ساحاروۆ داڭعىلىنا كەمىندە 17 مىڭ ادام جينالعان.

ميتينگىگە وپپوزيتسيالىق ساياساتكەر الەكسەي ناۆالنىي، ەكاتەرينبۋرگتىڭ بۇرىنعى اكىمى ەۆگەني رويزمان، جۋرناليست يۋري دۋد جانە وزگە تانىمال بەلسەندىلەر قاتىسقان.

ميتينگىنى ۇيىمداستىرۋشىلاردىڭ ءبىرى ميحايل سۆەتوۆ "ناستوياششەە ۆرەميا" ارناسىنا ميتينگىگە دايىندالۋ كەزىندە پوليتسيانىڭ ساحنا ماڭىنا قاراي "بەلگىسىز توپتى" جىبەرگەنىن حابارلادى.

ء"بىز قازىر پوليتسيادان سول ادامداردى الىپ كەتۋىن سۇراپ جاتىرمىز، ساحنا ماڭىندا ونداي ادامدار جۇرگەن كەزدە مۇنداعى ازاماتتاردىڭ قاۋىپسىزدىگىنە جاۋاپ بەرە المايمىز. ولاردىڭ كىم ەكەنىن بىلمەيمىز" دەدى سۆەتوۆ.

شىلدە ايىنىڭ سوڭىندا ماسكەۋ تۇرعىندارى "رۇقسات ەتىلمەگەن ميتينگىگە" شىعىپ، "تاۋەلسىز كانديداتتاردى قالالىق دۋما سايلاۋىنا جىبەرۋدى تالاپ ەتكەن". بۇل اكتسيا كەزىندە پوليتسيا 1300-دەن استام ادامدى ۇستادى. ەكى كۇننەن سوڭ تەرگەۋ كوميتەتى "جاپپاي تارتىپسىزدىك ۇيىمداستىرۋ" ءىسى بويىنشا قىلمىستىق ءىس قوزعادى. بۇل ءىس قوعامدا "ماسكەۋ ءىسى" دەگەن اتپەن بەلگىلى.

"ماسكەۋ ءىسى" بويىنشا 20 ادامعا ايىپ تاعىلدى. ولاردىڭ كەيبىرىن "پوليتسيا قىزمەتكەرىنە كۇش كورسەتتى" دەپ ايىپتادى. كوبى - 30 جاسقا تولماعان ازاماتتار. پوليتسيا "ارنايى جاساق وكىلدەرىنە قاراي قاعاز ستاقان لاقتىرۋ، روسگۆارديا جاساقتارىنىڭ باس كيىمدەرىن شەشۋگە تىرىسۋ" سياقتى ارەكەتتەردى "كۇش كورسەتۋ" رەتىندە باعالاعان. "ماسكەۋ ءىسى" بويىنشا ايىپتالعانداردىڭ سوڭى ءۇش جىل، الدى ون جىلعا سوتتالۋى مۇمكىن ەدى. قوعام قىسىمىنان كەيىن بەس ايىپتالۋشى ءىسى جابىلىپ، قالعان 15 ادامعا "جەڭىلىرەك" باپ بويىنشا ايىپ تاعىلدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584