بەيسەنبى, 28 ناۋرىز 2024
3362 0 پىكىر 30 قىركۇيەك, 2019 ساعات 11:35

اقش-تاعى سوت "يسلام مەملەكەتىن" قارجىلاي قولداعان قازاق جانە وزبەك ازاماتتارىن سوتتادى

نيۋ-يوركتەگى القا بيلەر سوتى وزبەكستان ازاماتى ديلحايوت قاسىموۆتى "يسلام مەملەكەتى" تەرروريستىك ۇيىمىنا قارجىلاي قولداۋ كورسەتتى دەپ تانىپ، ونى 30 جىلعا تۇرمەگە وتىرعىزدى.

2015 جىلى 6 ساۋىردە برۋكليندەگى فەدەرالدىق سوت قاسىموۆقا ايىپ تاققان. تەرگەۋ نۇسقاسى بويىنشا، ديلحايوت 2015 جىلى تاعى ءبىر وزبەكستاندىق ابرور حابيبوۆپەن بىرگە 1600 دوللار جيناپ، قازاقستاندىق احرور سايداحمەتوۆكە بەرمەك بولعان. ءسوتىپ تاعى ءبىر تانىسى ابدۋراسۋل جۋراباەۆپەن بىرگە "يسلام مەملەكەتىنە" قوسىلۋ ءۇشىن تاياۋ شىعىسقا بارۋدى كوزدەگەن.

سايداحمەدوۆ 2015 جىلى 25 اقپاندا نيۋ-يورك اۋەجايىندا تۇركياعا ۇشقالى جاتقان كەزدە ۇستالدى. سوت قۇجاتتارى بويىنشا، قاسىموۆ سايداحمەدوۆكە اقشا بەرگەنىن، ونىڭ سيرياعا بارۋ جوسپارىن بىلەتىنىن ايتتى.

2017 جىلى جەلتوقساندا سوت برۋكليندە تۇراتىن 22 جاستاعى احرور سايداحمەدوۆتى "يسلام مەملەكەتى" ەكسترەميستىك توبىنا قارجىلاي كومەك بەرۋگە تالپىنعانى ءۇشىن 15 جىلعا سوتتادى.

نيۋ-يورك پروكۋراتۋراسىنىڭ مالىمەتى بويىنشا، قاماۋ مەرزىمى اياقتالعان سوڭ سايداحمەدوۆ اقش-تان شىعارىلادى. 2017 جىلى قازاندا سايداحمەدوۆپەن بىرگە تاعى ءبىر وزبەكستاندىق ابدۋراسۋل جۋراباەۆ 15 جىلعا باس بوستاندىعىنان ايرىلدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499