8-21 قىركۇيەك ارالىعىندا رەسەيدىڭ ەكاتەرينبۋرگ قالاسىندا بوكستان حح الەم چەمپيوناتى ءوتتى. رەسەي جەرىندە 91 ەلدەن كەلگەن 488 سپورتشى باق سىناعان بولاتىن.

ايتا كەتەرلىگى، كەزەكتى جاھاندىق دودادا بوكسشىلار 8 سالماق دارەجەسى بويىنشا ونەر كورسەتتى. ال، كۇنى كەشە قىزىلوردالىق جانكۇيەرلەر بوكستان Əلەم چەمپيوناتىنىڭ كۇمىس جۇلدەگەرى قامشىبەك قوڭقاباەۆ پەن قولا جۇلدەگەر تۇرسىنباي قۇلاحمەتتى سالتاناتتى تۇردە كۇتىپ الدى. بۇل تۋرالى قىزىلوردا وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز حاتشىسى لاۋرا شوڭعالوۆا حابارلادى.

قورقىت اتا əۋەجايىنا قوس بوكسشىنىڭ تۋىستارى، جانكۇيەرلەر، سپورتشىلار، جاتتىقتىرۋشىلار جəنە سپورت سالاسىنىڭ قىزمەتكەرلەرى جينالدى.

-وليمپ شىڭىندا كۇمىس مەدالدارىمدى التىنعا اۋىستىرامىن. شارشى الاڭعا شىققاندا حالقىمنىڭ قولداۋىن سەزىندىم. ماعان جانكۇيەر بولعان بارشا قازاقستاندىقتارعا، سىر  حالقىنا العىس بىلدىرەمىن", - دەيدى قامشىبەك قوڭقاباەۆ.

ەستەرىڭىزگە سالا كەتەيىك، رەسەي جەرىندە وتكەن ءدۇبىرلى دودانىڭ قورىتىندىسى بويىنشا قازاقستان جالپى كوماندالىق ەسەپتە 1 التىن، 1 كۇمىس، 4 قولا مەدالمەن 3-ورىندى يەلەندى.

بۇل سىندا سىر سپورتشىلارى قامشىبەك قوڭقاباەۆ (+91 كەلى) كۇمىس، تۇرسىنباي قۇلاحمەت (75 كەلى) قولا جۇلدەلەردى ەنشىلەدى.

سىر بويىنىڭ بوكسەرلەرىنە الداعى توكيو وليمپياداسىندا ساتتىلىك تىلەيمىز!

Abai.kz