بەيسەنبى, 28 ناۋرىز 2024
46 - ءسوز 3740 15 پىكىر 18 قىركۇيەك, 2019 ساعات 12:46

Huawei vs iPhone

ادەتتە، سمارتفوندار اراسىنداعى باسەكەلەستىك جايلى سويلەگەندە، iPhone مەن Samsung گادجەتتەرىنىڭ كلاسسيكالىق باقتالاستىعى ويعا كەلەتىن. قازىر Samsung ورنىن Huawei باسقانداي.

بۇگىن Visul Journalism ساباعىندا پروفەسسور بوسسەن جاڭادان شىققان iPhone سمارتفونىنىڭ قاراڭعى جەردە سۋرەتكە ءتۇسىرۋ ءادىسىنىڭ جاڭارتىلعان نۇسقاسى پايدا بولعانىن ايتتى. ول The New York Times باسىلىمىندا بۇگىن شىققان رەۆيۋدى اشىپ وتىرىپ، جاڭا مەتود قاراڭعى جەردەگى نىسانداردى بىرنەشە ءتۇرلى الگوريتممەن سۋرەتكە ءتۇسىرىپ، ولاردى اۆتوماتتى تۇردە بىرىكتىرەتىنىن ايتتى. ياعني، سمارتفون قاراڭعى جەردى انىق ءتۇسىرۋ ءۇشىن بىرنەشە فوتوعا تۇسىرەتىنىن ايتىپ قۋاندى. بىراق، سول مەزەتتە ونىڭ قۋانىشىن قىتايدان كەلگەن گرۋپپالاسىم سۇلەيتتى. ول قولىنداعى Huawei V20 سمارتفونىندا دا ءدال وسىنداي فۋنكتسيا بار ەكەنىن ايتىپ، كابينەتتىڭ جارىعىن جارتىلاي ءسوندىرۋدى سۇراپ، ءىس جۇزىندە كورسەتىپ بەردى. پروفەسسور ونى تىڭداپ بولعاننان كەيىن تاڭدانعانىن كورسەتپەۋگە تىرىسىپ، لەكتسياسىن جالعاستىردى. ءدال وسى ساتتە اقش ۇكىمەتىنىڭ Huawei كومپانياسىنىڭ ونىمدەرىنە نەلىكتەن سانكتسيا جاريالاعانىن سىرتتاي تۇسىنگەندەي بولدىم. ولاردىڭ تەحنولوگيالىق دامۋى جارىق جىلدامدىعى سياقتى دامىپ كەلەدى. سول سەبەپتى دە اقش قولىنان كەلگەنشە شەكتەۋگە تىرىسىپ باعۋدا. بۇل ەكى ەل اراسىنداعى ساۋدا سوعىسىنا جالعاسىپ جاتقانىن بىلەسىزدەر.

ءسوز سوڭىندا، پروفەسسور The New York Times باسىلىمىنداعى رەۆيۋگە قايتا ورالىپ، وسىنى وقىپ تەحنولوگيانىڭ قاي دەڭگەيدە دامىپ كەتكەنىن تۇسىنگەندەي بولدىم دەدى دە ءسوزىن اياقتادى.

ايتا كەتسەم، بۇل فۋنكتسيا جاڭا iPhone سمارتفونىنىمەن شىقتى. ءدال وسى فۋنكتسيا Huawei سمارتفونىندا وتكەن جىلدىڭ جەلتوقسان ايىندا شىعىپ قويعان ەكەن.

جولداس ءورىسبايدىڭ facebook پاراقشاسىنان

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522