سارسەنبى, 23 قازان 2019
920 0 پىكىر 17 قىركۇيەك, 2019 ساعات 14:23

سىرداريالىق ديقاندار كۇرىشكە وراق سالدى

قىزىلوردا وبلىسى، سىرداريا اۋدانىنىڭ كۇرىششىلەرى ەگىن جيناۋ ناۋقانىنا كىرىستى، - دەپ حابارلايدى اباي-اقپارات.

«مادي قاجى» جاۋاپكەرشىلىگى شەكتەۋلى سەرىكتەستىگىنىڭ ەگىن القابىندا وتكەن شاراعا سىرداريا اۋدانىنىڭ اكىمى رۋسلان رۇستەموۆ قاتىسىپ، ديقانشىلار قاۋىمىن قۇتتىقتادى.

– اۋىلشارۋاشىلىق سالاسى – ەكونوميكانىڭ نەگىزگى درايۆەرى. سوندىقتان اگرارلى اۋدانىمىزدا اۋىلشارۋاشىلىق سالاسىن دامىتۋعا باعىتتالعان كەشەندى ءىس-شارالار جوسپارى قابىلدانىپ، جۇيەلى جۇمىستار جۇرگىزىلۋدە. مەملەكەتتىك قولداۋدىڭ ناتيجەسىندە شارۋاشىلىق قۇرىلىمدارى جىل سايىن سىر مارجانىنان مول ءونىم جيناپ، ەل قامباسى التىن دانگە تولۋدا. بيىلعى جىلى دا دالا ەڭبەككەرلەرى كۇرىشتەن مول ءونىم جينايدى دەپ كۇتىلۋدە. ول ءۇشىن بارلىق مۇمكىندىك بار. تەحنيكالار دا جاڭاردى. ال،شىركەيلى اۋىلىنداعى ء"مادى قاجى" سەرىكتەستىگى 2200 گەكتار جەرگە كۇرىش ەكتى. ەگىلگەن كۇرىش جايقالىپ ءوسىپ تۇر. ەندىگى ماقسات – ەلدىڭ قازىناسىن ىسىراپسىز جيناپ الۋ. جاۋاپتى جۇمىستا سەرىكتەستىك قىزمەتكەرلەرىنە ساتتىلىك تىلەيمىن، - دەدى رۋسلان رۇستەمۇلى.

بۇدان ءارى داڭقتى كۇرىششى، قازاق سسر جوعارى كەڭەسىنىڭ 2 مارتە دەپۋتاتى بولعان بەكسۇلۋ سيناەۆا ءسوز سويلەپ، كۇرىششى قاۋىمعا ساتتىلىك تىلەدى.

ايتا كەتەيىك، سەيتقامال سۇلتانوۆ باسقاراتىن «ءمادي قاجى» سەرىكتەستىگىندە 250-گە تارتا ادام ەڭبەك ەتۋدە. شارۋاشىلىقتا 6 دانا كومباين، 6 دانا جاتكا، 11 دانا حتز، 15 دانا متز جانە 30-دان استام اۋىلشارۋاشىلىعى ماشينالارى بار.

Abai.kz

0 پىكىر