قىزىلوردا وبلىسى، قازالى اۋدانىنداعى اۋدانارالىق اۋرۋحانادا تۇڭعىش رەت «انگيوگراف» اپپاراتىنىڭ كومەگىمەن جۇرەك قان تامىرلارىنا وتا جاسالدى، - دەپ حابارلايدى اباي-اقپارات.

وبلىستىق مەديتسينا ورتالىعىنىڭ رەنتگەن-ەندوۆاسكۋليارلى حيرۋرگيا ءبولىمىنىڭ مەڭگەرۋشىسى نۇرلان يسمايلوۆتىڭ جەتەكشىلىگىمەن 4 ناۋقاسقا كۇردەلى ءوتتى. سونداي-اق، وپەراتسيا ۇستىندە بىلىكتى مامان اۋداندىق اۋرۋحانا دارىگەرلەرى كەنەسارى باسپاەۆ، ايان قازيۇلى، فەلدشەر قاسكىرباي مولداباەۆ، مەيىركەش ءاليا سۇلەيمەنوۆا، رەنتگەن لابورانت عالىمجان جايىلقانوۆتارعا بار بىلگەنىن ۇيرەتتى.

اۋرۋحاناعا الىنعان «انگيوگراف» مەديتسينالىق اپپاراتى مەملەكەتتىك جەكەمەنشىك ارىپتەستىك «Medtronik» جشس ارقىلى ىسكە قوسىلعان. بۇل زاماناۋي قۇرىلعى ەلىمىزدە اۋداندىق دەڭگەيدە العاش رەت قازالىدا ورناتىلىپ وتىر. وسى اپپاراتتىڭ كومەگىمەن دارىگەرلەر ارال، قارماقشى اۋداندارى مەن بايقوڭىر قالاسىنىڭ تۇرعىندارىنا مەديتسينالىق كومەك كورسەتەدى.

قازالى اۋدانى اكىمىنىڭ ءباسپاسوز حاتشىسى جەڭىسبەك سوۆەتۇلى «دارىگەرلەر نۇرلان المات، كەنەسارى باسپاەۆ، ايان قازيۇلى ا.ن.سىزعانوۆ اتىنداعى ۇلتتىق حيرۋرگيا عىلىمي ورتالىعىنان قايتا دايارلاۋ كۋرستارىنان ءوتىپ، بىلىمدەرىن جەتىلدىردى. مۇنان سوڭ ولار وبلىستىق مەديتسينا ورتالىعىنىڭ جۇمىس ورنى ەسەبىنەن تاجىريبە الماستى» دەپ اتاپ ءوتتى.

Abai.kz