جۇما, 29 ناۋرىز 2024
بارەكەلدى! 6278 35 پىكىر 6 قىركۇيەك, 2019 ساعات 15:06

قازىبەك يسا: ۇلتتىق مۇددەنى قورعاۋ – مەملەكەتتىك تىلدەن باستالادى!

بۇگىن استاناداعى تاۋەلسىزدىك سارايىندا ۇلتتىق قوعامدىق سەنىم كەڭەسىنىڭ العاشقى وتىرىسى ءوتتى. وعان پرەزيدەنت قاسىم-جومارت توقاەۆ كەلىپ قاتىستى.

زيالى قاۋىم وكىلدەرى، بەلگىلى قوعام قايراتكەرلەرى، زاڭگەر مەن سالا ماماندارىنىڭ باسىن قوسقان ۇلتتىق كەڭەستىڭ العاشقى وتىرىسىندا مەملەكەتتىك ءتىل، ۇلتتىق مۇددە، ساياسي رەفورمالار سەكىلدى كوپتەگەن وزەكتى ماسەلەلەر كوتەرىلدى.

جيىن اياسىندا ءسوز العان بەلگىلى اقىن، «اق جول» پارتياسى توراعاسىنىڭ ورىنباسارى قازىبەك يسا قوعامداعى ەڭ وزەكتى تاقىرىپ – مەملەكەتتىك ءتىل ماسەلەسىن كوتەرىپ، پرەزيدەنتكە ەلدىڭ مۇڭىن جەتكىزدى.

قوعام قايراتكەرىنىڭ ۇلتتىق كەڭەستە ايتقان ءسوزىن وقىرمان قاۋىمعا ۇسىنامىز:

– تاياۋدا 2 قىركۇيەكتە قازاقستان پرەزيدەنتى قاسىم-جومارت توقاەۆ قازاقستان حالقىنا جولداۋىن جاسادى. ەكرانعا كوز تىگىپ قاراپ وتىرعان ەلدىڭ كۇتكەن ۇلكەن ءۇمىتى اقتالۋدا. شەشىلمەي كەلە جاتقان ماسەلەلەردىڭ شەشىمدەرى ايتىلىپ، شەگەلەي بەكىتىلگەن جولداۋ قالىڭ حالىقتىڭ قىزۋ قولداۋىنا يە بولۋدا. جولداۋ ىسكە اسۋى ءۇشىن نە ىستەۋىمىز كەرەك؟ ءبارىمىز ءوز ۇلەسىمىزدى قوسۋىمىز قاجەت!

1.قازاقستان پرەزيدەنتى قاسىم-جومارت توقاەۆ قازاقستان حالقىنا ءوزىنىڭ تۇڭعىش جولداۋىندا قازاق ءتىلىنىڭ مارتەبەسى تۋرالى قاداپ تۇرىپ ايتتى. “قازاق ءتىلىنىڭ مەملەكەتتىك ءتىل دارەجەسىندەگى دەڭگەيى كوتەرىلىپ كەلەدى. قازاق ءتىلىنىڭ ۇلتارالىق قاتىناس تىلىنە اينالاتىن ۋاقىت كەلەدى. بۇل ءۇشىن بارلىعىمىز جۇمىلا ارەكەت ەتۋىمىز قاجەت”، – دەدى. مەملەكەت باسشىسىنىڭ مەملەكەتتىك تىلىمىزگە باسا نازار اۋدارۋى ەلدىڭ ەرەكشە ىقىلاسىن وياتىپ، ۇلت زيالىلارى ءوز ۇندەرىن قوسۋدا.

ءيا، ۇلتتىق مۇددەنى قورعاۋ – مەملەكەتتىك تىلدەن باستالادى!

قازاقستان پرەزيدەنتى ايتقانداي، «قازاق ءتىلىنىڭ ۇلتارالىق قاتىناس تىلىنە اينالۋى ءۇشىن بارلىعىمىز جۇمىلا ارەكەت ەتىپ»، بارلىق جەردە مەملەكەتتىك ءتىلدى مىندەتتەيتىن مەملەكەتتىك ءتىل تۋرالى زاڭ قابىلداۋىمىز كەرەك! ول ءۇشىن اتازاڭدا مەملەكەتتىك ءتىل ءوز مارتەبەسىن جەكە دارا يەلەنۋى ءۇشىن 7-باپتىڭ 2- تارماعىن الاتىن ۋاقىت جەتتى. بۇل حالىق تالابىن الدىمەن قازاقستان حالقى اسسامبلەياسى قولداۋى ءتيىس! پارلامەنتىمىز، قوعامدىق-ساياسي كۇشتەر، زيالىلار قاۋىمى قايرات كورسەتۋى كەرەك! قاسىم-جومارت كەمەلۇلى، ءوزىڭىز اق باتاڭىزدى بەرسەڭىز «اق جول» پارتياسى مەملەكەتتىك ءتىل تۋرالى زاڭ جوباسىن جاساۋعا دايىن.

2.مەملەكەتتىك ءتىلدىڭ مەملەكەتتىك دەڭگەيدە دامۋى ءۇشىن جانە ءتيىستى زاڭداردىڭ ورىندالۋىن قاداعالاۋ ماقساتىندا تىكەلەي پرەزيدەنتكە قارايتىن ءتىل اگەنتتىگى قۇرىلعانى ءتيىمدى دەپ بىلەمىز.

Abai.kz

35 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606