وبلىستىق ءماسليحاتتىڭ كەزەكتەن تىس 36 سەسسياسىنىڭ شەشىمىمەن بيسەنوۆ  قىلىشباي  الدابەرگەنۇلى قىزىلوردا وبلىستىق ءماسليحاتىنىڭ حاتشىسى بولىپ سايلاندى.

بيسەنوۆ  قىلىشباي  الدابەرگەنۇلى 1957 جىلى 21 شىلدەدە قىزىلوردا وبلىسى، جالاعاش اۋدانىندا دۇنيەگە كەلگەن.

1974 جىلى قىزىلوردا قالاسىنداعى №4 س.سەيفۋللين اتىنداعى ورتا مەكتەپتى التىن مەدالمەن، 1979 جىلى ۆ.ي.لەنين اتىنداعى قازاق پوليتەحنيكالىق ينستيتۋتىن ۇزدىك ديپلوممەن  ءبىتىرىپ شىققان.

1979 جىلى ەڭبەك جولىن وسى اتالعان ينستيتۋتتىڭ «تەمىربەتون قۇراستىرمالارى» كافەدراسىندا ستاجەر-زەرتتەۋشى بولىپ باستاعان (1979-1980جج).

1980 جىلدان باستاپ جامبىل گيدرومەليوراتيۆتىك-قۇرىلىس ينستيتۋتىنىڭ قىزىلوردا فيليالىندا وقىتۋشى بولىپ ەڭبەك ەتكەن.

1985 جىلى ماسكەۋ قالاسىندا بەتون جانە تەمىربەتون عىلىمي-زەرتتەۋ ينستيتۋتىندا كانديداتتىق ديسسەرتاتسيا، 1995 جىلى رەسەي فەدەراتسياسى تومسك مەملەكەتتىك ساۋلەت-قۇرىلىس اكادەمياسىندا دوكتورلىق ديسسەرتاتسيانى  قورعاعان.

1986-1990 جىلدارى جامبىل گيدرومەليوراتيۆتىك-قۇرىلىس ينستيتۋتىنىڭ قىزىلوردا فيليالىندا اعا وقىتۋشى، فاكۋلتەت دەكانى، ديرەكتوردىڭ ورىنباسارى،  1990-1996 جىلدارى - ى.جاقاەۆ اتىنداعى قىزىلوردا اگروونەركاسىپ ءوندىرىسى ينجەنەرلەرى ينستيتۋتىنىڭ وقۋ ءىسى جونىندەگى پرورەكتورى، ءبىرىنشى پرورەكتورى، 1996-1998 جىلدارى  ى.جاقاەۆ اتىنداعى قىزىلوردا پوليتەحنيكالىق ينستيتۋتىنىڭ رەكتورى، 1998-2007 جىلدارى قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ رەكتورى بولىپ ەڭبەك ەتكەن. 1996-2007 جىلدارى  قىزىلوردا وبلىستىق ءماسليحاتىنىڭ ءۇش مارتە سايلانعان دەپۋتاتى.

2006-2007 جىلدارى «نۇر وتان» حدپ قىزىلوردا فيليالىنىڭ توراعاسى بولىپ سايلانعان.  2007-2011 جىلدارى قازاقستان رەسپۋبليكاسى پارلامەنتى ءماجىلىسى IV شاقىرىلىمىنىڭ دەپۋتاتى بولىپ سايلانىپ، الەۋمەتتىك-مادەني دامۋ جونىندەگى كوميتەتتىڭ مۇشەسى بولعان.

2011 جىلدىڭ 12 تامىزى مەن 2019 جىلدىڭ 21 قاڭتارى ارالىعىندا  قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ رەكتورى قىزمەتىن اتقارعان.

2019 جىلدىڭ 21 قاڭتارىنان باستاپ قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ساۋلەت جانە قۇرىلىس ءوندىرىسى كافەدراسىنىڭ پروفەسسسورى، 2019 جىلدىڭ 5 ساۋىرىنەن باستاپ قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ رەكتوردىڭ عىلىمي جانە قوعامدىق بايلانىس جونىندەگى كەڭەسشىسى قىزمەتىن اتقارىپ كەلگەن.

2012 جىلدىڭ قاڭتار ايىنان بەرى قىزىلوردا وبلىستىق ءماسليحاتىنىڭ V, VI شاقىرىلىم دەپۋتاتى. وبلىستىق ءماسليحاتتىڭ الەۋمەتتىك جانە مادەني ماسەلەلەر جونىندەگى تۇراقتى كوميسسياسىنىڭ توراعاسى قىزمەتىن اتقارعان.

Abai.kz