سەيسەنبى, 22 قازان 2019
1262 0 پىكىر 6 قىركۇيەك, 2019 ساعات 12:06

400 ميلليوننان استام Facebook قولدانۋشىنىڭ تەلەفونى جەلىگە جاريالانىپ كەتتى

400 ميلليوننان استام Facebook قولدانۋشىنىڭ تەلەفون نومىرلەرى جەلىگە اشىق جاريالانعان. وسىلاي دەپ TechCrunch باسىلىمى جازدى.

قۇپيا سوزبەن ساقتالماعان سەرۆەردە الەۋمەتتىك جەلى قولدانۋشىلارىنىڭ تەلەفون نومىرلەرى قامتىلعان ءجۇز ميلليونداعان جازۋلار بار.

TechCrunch كەلتىرگەندەي، وندا قولدانۋشىلاردىڭ اتى-ءجونى، جۇمىس ىستەيتىن جەرى تۋرالى مالىمەتتەر بار. بازاعا اقش ازاماتتارىنىڭ 133 ميلليون، ۆەتنام ازاماتتارىنىڭ 50 ميلليون، بريتانيا تۇرعىندارىنىڭ 18 ميلليون اككاۋنتى بار.

باسىلىم بۇل مالىمەتتەردىڭ اشىق جاريالانۋى الاياقتار تاراپىنان SIM-كارتالاردى الماستىرىپ قويۋعا، سپام جونەلتۋگە مۇمكىندىك بەرەدى دەپ ەسەپتەيدى.

شىلدە ايىندا اقش-تىڭ فەدەرالدىق ساۋدا كوميسسياسى قولدانۋشىلاردىڭ جەكە مالىمەتتەرى اشىق شىعىپ كەتكەنى ءۇشىن Facebook كومپانياسىنا بەس ميلليارد دوللار ايىپپۇل سالعان.

Facebook كومپانياسىنا قاتىستى تەرگەۋ 2018 جىلى باستالعان. وندا جۋرناليستەر دونالد ترامپتىڭ پرەزيدەنتتىك سايلاۋ كامپانياسىندا بريتانيالىق "Cambridge Analytica" كومپانياسى الەۋمەتتىك جەلى قولدانۋشىلاردىڭ مالىمەتتەرىن پايدالاندى دەپ ايىپتاعان. اتالعان مالىمەتتەر سايلاۋ قورىتىندىسىنا كەرى اسەرىن تيگىزگەنى ايتىلعان.

Abai.kz

0 پىكىر