بۇگىن اقوردادا قازاقستان مەملەكەتتىك حاتشىسى مارات ءتاجين ازيا ەلدەرى قالامگەرلەرىنىڭ تۇڭعىش فورۋمىنا قاتىسۋشىلارمەن كەزدەستى. 

كەزدەسۋگە نوبەل سىيلىعىنىڭ نومينانتتارى وڭتۇستىك كورەيا قالامگەرى كو ىن، كاتارلىق موزا ال-مالكي، موڭعوليالىق گومبوجاۆىن مەند وويوو، ازەربايجان حالىق جازۋشىسى انار راسۋىل رزاەۆ، رەسەي جازۋشىسى اناتولي كيم، قازاقستاننىڭ حالىق جازۋشىسى، اقىن ولجاس سۇلەيمەنوۆ باستاعان ءبىر توپ قالامگەر قاتىستى.

كەزدەسۋ بارىسىندا مارات ءتاجين فورۋم ەلىمىزدىڭ استاناسىندا قر تۇڭعىش پرەزيدەنتى -  ەلباسى نۇرسۇلتان نازارباەۆتىڭ باستاماسىمەن ءوتىپ جاتقانىن ايتتى.

مەملەكەتتىك حاتشى كەزدەسۋگە قاتىسۋشىلاردىڭ نازارىن مەملەكەت باسشىسى قاسىم-جومارت توقاەۆتىڭ فورۋمدا سويلەگەن سوزىندە ايتىلعان نەگىزگى تەزيستەرىنە جانە ولاردى ىسكە اسىرۋ قاجەتتىگىنە اۋداردى.

قوناقتار بىرەگەيلى جوعارى دەڭگەيدە جانە مازمۇندىق تولىققاندى ۇيىمداستىرعان شاراعا قازاقستان باسشىلىعىنا، قازاقستاندىقتاردىڭ جىلى قابىلداۋىنا، سونىمەن قاتار قىزىقتى پىكىرسايىستارعا ريزاشىلىق ءبىلدىردى.

كەزدەسۋگە قاتىسۋشىلار فورۋم ازيا ەلدەرىنىڭ ادەبي قاۋىمداستىقتارى اراسىنداعى ءوزارا ءىس-قيمىلدى نىعايتاتىندىعىنا سەنىم ءبىلدىردى.

Abai.kz