م.و.اۋەزوۆ اتىنداعى ادەبيەت جانە ونەر ينستيتۋتى 2012 جىلدان بەرى «مەنىڭ اۋەزوۆىم» اتتى دارىندى وقۋشىلاردىڭ شىعارماشىلىق كونكۋرسىن وتكىزىپ كەلەدى.

ءداستۇرلى كونكۋرس كەلەسى ماقساتتاردى كوزدەيدى: مۇحتار اۋەزوۆتىڭ شىعارماشىلىق مۇراسىن جاستار اراسىندا ناسيحاتتاۋ، جاسوسپىرىمدەردى كوركەم ادەبيەتكە باۋلۋ، عىلىمي زەرتتەۋ جۇرگىزۋدىڭ داعدى-ماشىقتارىن قالىپتاستىرۋ جانە مەملەكەتتىك ءتىلدى دامىتۋ.

كونكۋرسقا ۇسىنىلاتىن شىعارمالارعا قويىلاتىن تالاپتار:

• شىعارما مەملەكەتتىك تىلدە (قازاق تىلىندە) جازىلۋى ءتيىس;
• شىعارما كونكۋرسقا قاتىسۋشىنىڭ دەربەس عىلىمي-شىعارماشىلىق ىزدەنىستەرىنىڭ ناتيجەسى بولۋى ءتيىس;
• شىعارما اۆتورى 9-11 سىنىپ وقۋشىسى بولۋى كەرەك;
• شىعارما كولەمى ا4 فورماتىندا (قارىپ – Times New Roman, 14 كەگل، جول
  ارالىعى – 1) 3-5 بەتتەن اسپاۋى ءتيىس;
• شىعارما ءماتىنىنىڭ جوعارعى وڭ جاعىندا تالاپكەردىڭ تولىق اتى-ءجونى مەن ناقتى مەكەن-جايى (بايلانىس تەلەفون مىندەتتى تۇردە), سىنىپ، مەكتەپ اتاۋى تولىق كورسەتىلۋى ءتيىس.

تالاپكەر شىعارمانى «م.اۋەزوۆتىڭ تۇلعالىق جەتى قىرى» باعىتى بويىنشا ەركىن تاقىرىپتا جازا الادى.

كونكۋرسقا ۇسىنىلعان شىعارمالار 2019 جىلدىڭ 24 قىركۇيەگىنە دەيىن قابىلدانادى. كونكۋرسقا قابىلدانعان شىعارمالار انتي-پلاگيات باعدارلاماسى بويىنشا تەكسەرۋدەن وتەدى.

كوميسسيا كونكۋرس قورىتىندىلارى بويىنشا جەڭىمپازداردى كەلەسى رەتپەن انىقتايدى:

ءۇشىنشى ورىن – 1 ، ەكىنشى ورىن – 1, ءبىرىنشى ورىن – 1, باس جۇلدە (گران-پري) – 1.

جەڭىمپازدار ديپلوم جانە باعالى سىيلىقتارمەن، ال ولارعا جەتەكشىلىك جاساعان ۇستازدار ارنايى سەرتيفيكاتپەن ماراپاتتالادى.

جۇلدەلى ورىندارعا يە بولعان وقۋشىلار مەن ولاردىڭ جەتەكشى ۇستازدارى 2019 جىلدىڭ 27 قىركۇيەگىندە وتەتىن م.و.اۋەزوۆتىڭ تۋعانىنا 122 جىل تولۋىنا ارنالعان جاس عالىمداردىڭ «ءحVى م.و.اۋەزوۆ وقۋلارى» اتتى عىلىمي-تاجىريبەلىك كونفەرەنتسياسىندا ماراپاتتالادى. ۇزدىك شىعارمالار كونفەرەنتسيا ماتەريالدارىنىڭ جيناعىندا جاريالانادى.

كوميسسيا قورىتىندىلارى «قازاق ادەبيەتى»، «انا ءتىلى» گازەتتەرىندە جاريالانادى.

كونكۋرسقا قاتىساتىن وقۋشىلار ءوز جۇمىستارىن مىنا مەكەن-جايعا جىبەرۋى ءتيىس: 050010, الماتى قالاسى، م.تولەباەۆ كوشەسى 185, «م.و.اۋەزوۆ ءۇيى» عىلىمي-مادەني ورتالىعى.

ءبىزدىڭ بايلانىس تەلەفوندارىمىز: +7 (727) 261-22-27;  domauezov@mail.ru

سىزدەردەن ۇلى جازۋشى م.و.اۋەزوۆتىڭ شىعارماشىلىق قايتالانباس قىرى جايلى بىرەگەي شىعارمالاردى كۇتەمىز! بارشاڭىزعا ساتتىلىك جانە شىعارماشىلىق تابىستار تىلەيمىز!

شىعارمالاردى domauezov@mail.ru ەلەكتروندى پوشتاعا

تاقىرىبى (تەما): شىعارمالار كونكۋرسى تەگپەن بەلگىلەۋ مىندەتتى!

قوسىمشا

وقۋشىنىڭ تولىق اتى-ءجونى،

وقۋ ورنى، سىنىپ، ەلەكتروندى پوشتا جانە بايلانىس تەلەفونى، جەتەكشىسىنىڭ تولىق اتى-ءجونى مەن

بايلانىس تەلەفونى

Abai.kz