بيىلعى جىلدىڭ ءىى توقسانىنا قىزىلوردا وبلىسىندا ەكونوميكالىق بەلسەندى جاستار 101 مىڭ 100 ادام (15-28 جاس ارالىعىنداعى), ونىڭ 4 200-ى جۇمىسسىزدار، جۇمىسپەن قامتىلعاندار - 96 800, جالدامالى قىزمەتكەرلەر - 58 200, ءوز بەتىنشە جۇمىسپەن قامتىلعان قىزمەتكەرلەر - 39700 بولىپ وتىر، - دەپ حابارلايدى اباي-اقپارات.

«ال جاستار اراسىنداعى جۇمىسسىزدىق دەڭگەيى 4,2% قۇرايدى. سوڭعى 5-6 جىلدا بۇل كورسەتكىش تۇراقتى تومەندەپ كەلەدى» دەيدى قىزىلوردا وبلىسىنىڭ جاستار ساياساتى ماسەلەلەرى باسقارماسىنىڭ باسشىسى قۋانىش جانۇزاقوۆ.

سونداي-اق، ول بۇگىنگى بۋىن وكىلدەرىن جۇمىسپەن قامتۋ كۇن تارتىبىندەگى نەگىزگى ماسەلە ەكەندىگىن العا تارتتى. بۇل مەملەكەتتىك باعدارلامالاردىڭ باسىمدىقتارىنىڭ ءبىرى ەكەندىگىن اتاپ ءوتتى.

– وڭىردە مەملەكەتتىك باعدارلامالاردىڭ باسىمدىقتارى ءبىرىنشى كەزەكتە جۇمىسسىز جاستاردى تارتۋ بولىپ بەلگىلەنگەندىگىن ايتا كەتكەنىمىز ءجون. وتكەن جىلى 12 مىڭنان اسا جاس باعدارلامالاردىڭ مۇمكىندىكتەرىن پايدالانا الدى. ۇستىمىزدەگى جىلى، «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسىنا قاتىسۋشى رەتىندە 5390 جاس ەنگىزىلگەن، ونىڭ 3234-ءى اۋىل جاسى. ءبىرىنشى باعىت – 2019 جىلدىڭ 1 ماۋسىمىنا قىسقا مەرزىمدى كاسىپتىك بىلىممەن 89 ادام قامتىلعان (2019 جىلدىڭ 1 قاڭتارىنا – 672 .). ەكىنشى باعىت – جاپپاي كاسىپكەرلىكتى دامىتۋ باعدارلاماسىنا قاتىسۋشىلاردى «باستاۋ بيزنەس» جوباسى بويىنشا كاسىپكەرلىك نەگىزدەرىنە بويىنشا 220 جاس (1 قاڭتار 2019 - 490) وقىتىلدى. 2019 جىلدىڭ 1 ماۋسىمىنا 29 جاس شاعىن نەسيە الدى (2019 جىلدىڭ 1 قاڭتارىنا - 149). ءۇشىنشى باعىت - حالىقتى جۇمىسپەن قامتۋعا جاردەمدەسۋ ارقىلى ەڭبەك نارىعىن دامىتۋ جانە ەڭبەك رەسۋرستارىنىڭ ۇتقىرلىعى.

باعدارلامانىڭ ءۇشىنشى باعىتى اياسىندا 2019 جىلدىڭ 1 جارتىجىلدىعىنا 1759 جاس بوس جۇمىس ورىندارىنا، 328 جاس الەۋمەتتىك جۇمىس ورىندارىنا، 1441 جاس جاستار تاجىريبەسىنە جانە 1042 جاس قوعامدىق جۇمىستارعا ورنالاستىرىلدى، - دەدى باسقارما باسشىسى.

جالپى، سىربويىلىق جاستاردىڭ سانى بايقوڭىر قالاسىنىڭ جاستارىن قوسا ەسەپتەگەندە 14 پەن 28 جاس ارالىعىندا 176 746 ازامات نەمەسە 22,2%-دى قۇرايدى. ونىڭ ىشىندە قالادا 72 614 جاس (41%) جانە اۋىلدا 104 132,0 جاس (59%).

بيىل عانا سىرداريا وزەنىنىڭ سول جاعاسىندا جاڭادان جاستار رەسۋرستىق ورتالىق بوي كوتەردى. نىسان بيزنەستىڭ الەۋمەتتىك جاۋاپكەرشىلىگى نەگىزىندە «قازگەرمۇناي» بىرىككەن كاسىپورنى» جشس دەمەۋشىلىك قولداۋىمەن پايدالانۋعا بەرىلىپ وتىر. جاستار جىلىنا وراي اشىلعان ورتالىقتا IT-park, حاكسپەيس، انتيكافە، ينتەرنەت-كىتاپحانا، جاتتىعۋ زالى، كوۆوركينگ، فيتنەس-ورتالىق، جاستارعا ادىستەمەلىك قىزمەت كورسەتۋ بولمەسى، 330 ادامعا ارنالعان كوپفۋنكتسيونالدى زال، جاستار شىعارماشىلىعىن دامىتۋ ورتالىعى، ءوز-وزىنە قىزمەت كورسەتۋ بولمەسى جانە جاستار ۇيىمدارىنىڭ بولمەسى تاۋلىك بويى جۇمىس ىستەيدى. سونىمەن قاتار ورتالىق جانىنان «ورتالىق ستۋديادا – باعلان قاليەۆپەن»، «جاستار – قوعام نازارىندا!»، «جاستار STARTUP»، «ەرىكتىلەر مەكتەبى»، «جاس مامان»، «جاس OTAU»، «جاس كەڭەسشى»، «جۇرەك

جىلۋى»، «ورتالىق Cinema»، «ءبىز سپورتتى تاڭدايمىز!»، «ءدىن جانە جاستار» سىندى 11 جوبا اقىسىز نەگىزدە تۇراقتى جۇرگىزىلۋدە.

Abai.kz