بەيسەنبى, 28 ناۋرىز 2024
3876 1 پىكىر 27 تامىز, 2019 ساعات 16:51

مەملەكەت باسشىسى بيۋدجەتتىك جوسپارلاۋ ماسەلەلەرى جونىندە كەڭەس وتكىزدى

«اقوردا» رەزيدەنتسياسىندا مەملەكەت باسشىسى قاسىم-جومارت توقاەۆتىڭ توراعالىعىمەن بيۋدجەتتىك جوسپارلاۋ ماسەلەلەرى جونىندە كەڭەس ءوتتى.

جيىنعا پرەمەر-مينيستر اسقار مامين، پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ، پرەمەر-ءمينيستردىڭ ورىنباسارلارى – بەردىبەك ساپارباەۆ پەن جەڭىس قاسىمبەك، ۇلتتىق ەكونوميكا ءمينيسترى رۋسلان دالەنوۆ، ەسەپ كوميتەتىنىڭ توراعاسى ناتاليا گودۋنوۆا، سونداي-اق پرەزيدەنت اكىمشىلىگىنىڭ باسشىلىعى قاتىستى.

كەڭەس بارىسىندا پرەزيدەنتكە رەسپۋبليكالىق بيۋدجەتتىڭ الداعى ءۇش جىلعا ارنالعان جوباسىنىڭ نەگىزگى پارامەترلەرى باياندالدى.

قاسىم-جومارت توقاەۆ بيۋدجەت جوباسىنىڭ تەڭگەرىمدى جانە ەلىمىزدىڭ الەۋمەتتىك-ەكونوميكالىق دامۋ تالاپتارىنا ساي ەكەنىن ايتتى. سونىمەن قاتار، مەملەكەت باسشىسى بيۋدجەتتىك شىعىستاردىڭ تيىمدىلىگىن ارتتىرۋ جانە بيۋدجەتتىڭ كىرىسىن ودان ءارى ۇلعايتۋ جونىندەگى جۇمىستاردى جالعاستىرۋدىڭ ماڭىزدىلىعىن اتاپ ءوتتى.

پرەزيدەنت بيۋدجەتتى جوسپارلاۋدىڭ بارلىق كەزەڭدەرىندە شىعىستاردى وڭتايلاندىرۋعا، ەسەپ كوميتەتىمەن ءوزارا تىعىز ىقپالداستىق ورناتۋعا، سونداي-اق نەگىزسىز يميدجدىك جانە كونسالتينگتىك شىعىنداردى قىسقارتۋعا شاقىردى.

سوڭىندا مەملەكەت باسشىسى ۇكىمەتكە بيۋدجەت ۇدەرىسىنە باقىلاۋدى كۇشەيتۋدى تاپسىردى. ونىڭ ايتۋىنشا، بيۋدجەت الەۋمەتتىك-ەكونوميكالىق تۇرعىدان بارىنشا ءتيىمدى ءارى ماڭىزدى جوبالاردى قارجىلاندىرۋى ءتيىس.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2252
عيبىرات

قايسار رۋحتى عازيز جان

مۇحتار قۇل-مۇحاممەد 3505