كەزدەسۋ بارىسىندا قۋانىشبەك ىسقاقوۆ وسكەلەڭ ۇرپاقتى قولداۋ ماسەلەلەرىن تالقىلادى جانە 10 جاسقا رەسپۋبليكالىق لاگەرگە جولداما بەردى.

ارال اۋدانىنداعى «قامباش» وليمپيادالار جانە قوسىمشا ءبىلىم بەرۋ ورتالىعىنىڭ الاڭىندا وبلىس اكىمى قۋانىشبەك ىسقاقوۆتىڭ جاستارمەن بەيرەسمي كەزدەسۋى ءوتتى، وعان ءوڭىردىڭ جاستار ۇيىمدارىنىڭ بەلسەندىلەرى، از قامتىلعان جانە كوپ بالالى وتباسىلاردان شىققان جاستار، وبلىستىق ۇيىمداردىڭ باسشىلارى، جۇمىسسىز جانە مۇمكىندىگى شەكتەۋلى جاستار، بارلىعى 120-عا جۋىق ادام قاتىستى.

ايماق باسشىسى جاستاردىڭ قاجەتتىلىكتەرى تۋرالى سۇحباتتاسىپ، ولاردىڭ ۇسىنىس-تىلەكتەرىن تىڭدادى. ءوز كەزەگىندە ارال جانە قازالى اۋداندارىنىڭ اكىمدەرى جانە وبلىس ۇيىمدارى مەن مەكەمەلەرىنىڭ باسشىلارى جاستاردى قولداۋ بويىنشا اتقارعان جۇمىستارى مەن جاستارعا ارنالعان مۇمكىندىكتەر تۋرالى باياندادى. مىسالى، 2014 جىلدان باستاپ رەسەي فەدەراتسياسىنىڭ ۇكىمەتىمەن كەلىسىم نەگىزىندە قىزىلوردالىق تۇلەكتەر ماسكەۋ مەن سانكت-پەتەربۋرگتىڭ ۇزدىك تەحنيكالىق جوعارى وقۋ ورىندارىندا ءبىلىم الۋدا،ال وقۋدى اياقتاعاننان كەيىن جەرگىلىكتى كاسىپورىندار  مەن مەملەكەتتىك ورگاندار ولاردى جۇمىسقا ورنالاستىرۋ ماسەلەسىن شەشەدى.

پىكىر الماسۋدان كەيىن وبلىس اكىمى قۋانىشبەك ىسقاقوۆ 10 جەتكىنشەككە، ونىڭ ىشىندە بەلسەندى، از قامتىلعان وتباسىدان شىققان، مۇمكىندىگى شەكتەۋلى جاستار مەن جۇمىسسىزدارعا "جاستار وتانعا!" رەسپۋبليكالىق جاستار لاگەرىنە جولداما تابىستادى. كەزدەسۋ سوڭىندا الاۋ جاعىلىپ، جاستار ءان شىرقادى.

Abai.kz