جۇما, 29 ناۋرىز 2024
3726 4 پىكىر 20 تامىز, 2019 ساعات 16:38

اقش مەملەكەتتىك حاتشىسىنىڭ ورىنباسارى دەۆيد حەيل نۇر-سۇلتانداعى سامميتكە قاتىسادى

اقش مەملەكەتتىك حاتشىسىنىڭ ساياسي ماسەلەلەر جونىندەگى ورىنباسارى دەۆيد حەيل 20-23 تامىز ارالىعىندا ورتالىق ازيا ەلدەرىنە رەسمي ساپارمەن كەلەدى.

ساپار ماقساتى - 21 تامىزدا نۇر-سۇلتاندا وتەتىن ورتالىق ازياداعى بەس ەلدىڭ جوعارى دەڭگەيدەگى جيىنىنا قاتىسۋ. س5+1 دەگەن اتاۋمەن بەلگىلى جيىن بارىسىندا حەيل قازاقستان، قىرعىزستان، وزبەكستان، تاجىكستان مەن تۇركىمەنستان سىرتقى ىستەر مينيسترلىكتەرى وكىلدەرىمەن كەلىسسوزدەر وتكىزەدى.

"ولار ورتالىق ازياداعى قاۋىپسىزدىك، دامۋ جانە قارىم-قاتىناستى بىرلەسىپ نىعايتۋ جايىن تالقىلايدى" دەپ حابارلادى اقش مەملەكەتتىك دەپارتامەنتى 19 تامىزدا.

س5+1 فورماتى 2015 جىلى قاراشادا اقش پەن ورتالىق ازيانىڭ بەس ەلى اراسىندا ەكونوميكالىق ينتەگراتسيانى دامىتۋ، قورشاعان ورتانى قورعاۋ مەن قاۋىپسىزدىك ماسەلەلەرىن بىرلەسىپ شەشۋ ماقساتىندا قۇرىلعان.

بۇعان قوسا حەيل قازاقستاننىڭ جوعارى لاۋازىمدى شەنەۋنىكتەرىمەن "ەكىجاقتى كەڭەيتىلگەن ستراتەگيالىق سەرىكتەستىك جانە عالامدىق ماسەلەلەر بويىنشا ەكى ەل اراسىنداعى قارىم-قاتىناستى" تالقىلايدى دەپ حابارلاندى.

نۇر-سۇلتانداعى جيىننان كەيىن حەيل تاشكەنتكە اتتانادى. ول ەلدە اش مەملەكەتتىك حاتشىسىنىڭ ورىنباسارى وزبەكستاننىڭ لاۋازىمدى تۇلعالارىمەن كەزدەسىپ، ەكى ەل اراسىنداعى قاۋىپسىزدىك، ءبىلىم جانە ساۋدا قاتىناستارىن دامىتۋ جايىن تالقىلاماق.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593