قر اسكەريلەرى قىرعىز تاۋلارىندا جوعالعان قازاقستاندىق الپينيستەر – مۇرات وتەپباەۆتى، اندرەي كورنەەۆتى، الەكساندر چەچۋليندى ىزدەۋ بويىنشا قۇتقارۋ وپەراتسياسىن باستادى. ولاردى وكپە ىسىگىنەن قازا تاپتى دەگەن دە بولجام بار. قر قورعانىس مينيسترلىگى ءباسپاسوز قىزمەتىنىڭ مالىمەت بويىنشا قۇتقارۋ توبىندا – كاپيتان ماقسۇت جۇماەۆ، مايور امانجول راحمەتوۆ، توپ باسشىسى – اعا لەيتەنانت ۆاسيلي پيۆتسوۆ بار.

قازاقستاندىق اسكەري قىزمەتشىلەر دابىل بويىنشا كوتەرىلىپ، تولىق جاۋىنگەرلىك ازىرلىكتە تۇر. قر ءىىم تجك بولگەن تىكۇشاقپەن 4400 مەتر بيىكتىكتەگى بازالىق لاگەرگە كوتەرىلۋدى جوسپارلاۋدا جانە جاياۋ ىزدەستىرۋ جۇمىستارى جالعاسۋدا.

اتالعان وپەراتسيا اۋا-رايىنىڭ ناشارلىعىنا بايلانىستى كۇردەلەنۋدە، جوعالعان الپينيستەردى ىزدەستىرۋ ءۇشىن جىلۋعا دەن قويۋدى كوزدەۋشى قۇرىلعىلار قولدانۋدا. وسىنداي بيىكتىكتە جۇمىس جاساۋ ءۇشىن اۋا-رايىنا بەيىمدىلگەن قۇتقارۋشىلاردى جىبەرۋ اسا ماڭىزدى. بۇل وپەراتسيادا ەۋروپاداعى بيىك شىڭداردى باعىندىرىپ جۇرگەن الپينيزم بويىنشا رەسەيدە وتكەن «ەلبرۋس شەڭبەرى-2019» حالىقارالىق سايىسىنا قاتىسۋشىلار جۇمىلۋدا. جالپى كوماندالىق سىناق بويىنشا قازاقستاندىقتار ۇزدىك ۇشتىكتىڭ قۇرامىندا.

جوعالعان الپينيستەر قىرعىزستانداعى 7439 مەترلىك جەڭىس شىڭىنىڭ جوعارعى نۇكتەسىنە كوتەرىلگەن. تيان-شاننىڭ جوعارعى شىڭىنا شىعۋ باعىتى الپينيزمدەگى ەڭ كۇردەلى، ياعني 5-6 كۇردەلى ساناتتاعى شىڭداردىڭ ءبىرى بولىپ تابىلادى.

Abai.kz