مەملەكەتتىك جاردەماقى انالاردىڭ جەكە ءوتىنىشىنسىز تاعايىندالادى
باتىر انالارعا مەملەكەتتىك جاردەماقى تاعايىنداۋ ەندى اۆتوماتتى رەجيمدە جۇزەگە اسىرىلادى.
ەگەر بۇرىن انالار حالىققا قىزمەت كورسەتۋ ورتالىعىنا بارىپ ءوتىنىش جازسا، ەندى وسى ايدان باستاپ قىزمەت الۋ ءراسىمى پرواكتيۆتى بولا باستادى. باسقاشا ايتقاندا، مەملەكەتتىك جاردەماقى انالاردىڭ جەكە ءوتىنىشىنسىز تاعايىندالاتىن بولادى.
الايدا، قىزمەتتەر ءموبيلدى ازاماتتار بازاسىندا تىركەلگەن ازاماتتارعا عانا پرواكتيۆتى تۇردە كورسەتىلەتىنىن اتاپ وتكەن ءجون. ول ءۇشىن ەتسق-عا قول قويۋ ارقىلى ۇيالى تەلەفونىنىڭ ءنومىرىن حالىققا قىزمەت كورسەتۋ ورتالىعىندا نەمەسە egov.kz پورتالىندا ءبىر رەت تىركەۋ جەتكىلىكتى.
مۇنداي تىركەۋدەن وتپەگەن ادامدار «بۇرىنعىداي تارتىپپەن» قىزمەت كورسەتۋگە ءوتىنىش بەرۋى قاجەت.
قازاقستاندا التىنشى نەمەسە جەتىنشى بالانى دۇنيەگە اكەلگەن انالار «كۇمىس القا» جانە «التىن القا» مەملەكەتتىك ناگرادالارىمەن ماراپاتتالادى. بۇل مەملەكەتتىك ناگرادالاردى العان انالار اي سايىن 16 160 تەڭگە (6,4 اەك) مولشەرىندە جاردەماقى الادى، ونىڭ مولشەرى جىل سايىن ينفلياتسيا دەڭگەيىن ەسكەرە وتىرىپ قايتا ەسەپتەلىپ وتىرادى.
ايدوس جۇقانۇلىنىڭ facebook پاراقشاسىنان
Abai.kz
