جۇما, 29 ناۋرىز 2024
3214 4 پىكىر 15 تامىز, 2019 ساعات 11:16

ترامپ قىتاي ەكسپورتىنا باج سالىعىن كەيىنگە قالدىردى

سەيسەنبى كۇنى اقش پرەزيدەنتى دونالد ترامپتىڭ قىتاي تاۋارلارىنا يمپورت سالىعىن ەنگىزۋدى كەيىنگە شەگەرۋ تۋرالى مالىمدەمەسىنەن سوڭ ۋولل-ستريتتەگى اكتسيالار باعامى جوعارىلادى. امەريكا قارجى نارىعىنداعى كومپانيالاردىڭ سەكسەن پايىزىنىڭ اكتسياسى كوتەرىلگەن.

تامىز ايىنىڭ باسىندا نارىق يندەكستەرى ەكى اپتا بۇرىنعى كورسەتكىشتەن ون پايىزعا ءتۇسىپ كەتكەن ەدى. بۇعان ترامپ اكىمشىلىگىنىڭ قىتاي ءوز ۆاليۋتاسىمەن مانيپۋلياتسيا جاساپ وتىر دەپ جاريالاۋى تۇرتكى بولدى.

ساراپشىلار يمپورت سالىعى سالىناتىن تاۋارلار تىزىمىندە اۋىل شارۋاشىلىعى مەن يندۋستريا ونەركاسىبىنىڭ ونىمدەرى بارىن ايتقان.

قارجى نارىعىنا ۆاشينگتون مەن بەيجىڭ اراسىندا ساۋدا سوعىسى بولعانى ۇنامايتىنىن بىلگەن ترامپ ساۋدا ساياساتىن وزگەرتتى دەپ ەسەپتەيدى ەكونوميستەر.

وتكەن جىلى ترامپ اكىمشىلىگى بىرقاتار قىتاي تاۋارلارىنا 10 پايىزدىق سالىق ەنگىزگەن. تاۋارلار تىزىمىنە تۇتىنۋشىلىق ەمەس، نەگىزىنەن كاسىپورىندار ساتاتىن ونىمدەر ەنگەن. كوكتەمدە ترامپ اكىمشىلىگى بۇل تاريفتەردى 25 پايىزعا كوتەردى، ودان سوڭ تاعى 10 پايىزعا كوتەرىلۋى مۇمكىن ەكەندىگىن ەسكەرتتى. جاڭا 10 پايىزدىق سالىق 1 قىركۇيەكتە كۇشىنە ەنۋى كەرەك بولعان، بىراق ترامپ ونى جەلتوقساننىڭ ورتاسىنا دەيىن شەگەردى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616