جۇما, 29 ناۋرىز 2024
3418 4 پىكىر 14 تامىز, 2019 ساعات 12:13

قورعانىس مينيسترلىگىندە جاڭا بولىمشە قۇرىلدى

العاش رەت جۇرگىزىلگەن قىزمەتتىك تالداۋ ناتيجەلەرىمەن قورعانىس مينيسترلىگى جانە باس شتاب ورتالىق اپپاراتىنىڭ قۇرىلىمىن جەتىلدىرۋ اياسىندا بىرنەشە جاڭا بولىمشە قۇرىلدى. سولاردىڭ ءبىرى – ستراتەگيالىق تالداۋ جانە دامىتۋ دەپارتامەنتى.

دەپارتامەنتكە مەملەكەتتىك جوسپارلاۋ جۇيەسىنىڭ قۇجاتتارىن ازىرلەۋ، ونىڭ ىشىندە قارۋلى كۇشتەردىڭ قۇرىلىسى مەن ونى دامىتۋدا، ەلىمىزدىڭ اسكەري قاۋىپسىزدىگى مەن قورعانىس قابىلەتىن قامتاماسىز ەتۋدە تۇجىرىمدامالىق ءتاسىلدى ۇيلەستىرۋ تاپسىرىلدى.

قورعانىس مينيسترلىگىنىڭ ستراتەگيالىق جوسپارىن جۇزەگە اسىرۋ بارىسىندا دەپارتامەنتكە قارجى جانە ماتەريالدىق رەسۋرستاردى، سونىمەن قوسا ەرەكشە نازار اۋدارۋدى تالاپ ەتەتىن جەتەكشى قىزمەت باعىتتارىن تالداۋ جانە انىقتاۋدى باقىلاۋ جۇكتەلدى.

قاۋىپسىزدىككە قاتىستى بولجانعان تاۋەكەلدەر مەن قاۋىپ-قاتەردى ەسكەرە وتىرىپ، كۇش قازاقستان قورعانىس الەۋەتىنىڭ، قارۋلى كۇشتەردىڭ قۇرىلىسىنىڭ ساندىق جانە ساپالى وسۋىنە ىقپال ەتەتىن وڭتايلى شەشىمدەردى ىزدەۋگە باعىتتالاتىن بولادى.

 جاڭا دەپارتامەنتتى سايدمۇرات تاڭىربەرگەن باسقارادى. ونىڭ ۇلتتىق قاۋىپسىزدىكتى قامتاماسىز ەتۋدە، سونداي-اق قورعانىس-ونەركاسىپ كەشەنى شەڭبەرىندە ستراتەگيالىق جوسپارلاۋ اۋقىمىندا تاجىريەسى بار.

1999 جىلدان 2002 جىل ارالىعىندا سايدمۇرات باپانۇلى قاۋىپسىزدىك كەڭەسى حاتشىلىعىندا سەكتور مەڭگەرۋشىسى، ىشكى جانە اسكەري قاۋىپسىزدىك بولىمىندە، سونداي-اق حاتشىلىق مەڭگەرۋشىسىنىڭ ورىنباسارى لاۋازىمدارىندا قىزمەت ەتكەن. 2015 جىلدان 2019 جىل ارالىعىندا قاۋىپسىزدىك كەڭەسى حاتشىلىعىنىڭ مەڭگەرۋشىسى قىزمەتىن اتقاردى.

مەملەكەتتىك ماراپاتتارى بار. اتاپ ايتقاندا، «پاراسات»، «قۇرمەت» وردەندەرى، «ەرەڭ ەڭبەگى ءۇشىن» مەدالى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616