بەيسەنبى, 28 ناۋرىز 2024
تاعايىنداۋ 5300 30 پىكىر 13 تامىز, 2019 ساعات 14:40

دانا نۇرجىگىت: ۇلكەن ديىرمەنگە، مايدانعا كەتىپ بارا جاتىرمىن...

كەشە پرەزيدەنت قاسىم-جومارت توقاەۆتىڭ جارلىعىمەن بىرقاتار سەنات دەپۋتاتتارى تاعايىندالدى. ولاردىڭ ىشىندە قازاقستان تەلەارناسىنداعى “دارا جول” باعدارلاماسىنىڭ جۇرگىزۋشىسى، تەلەجۋرناليست دانا نۇرجىگىت تە بار.

دانا نۇرجىگىت اتالعان تاعايىنداۋعا قاتىستى الەۋمەتتىك جەلىدە ءوز ويىن جازدى.

-قادىرلى وقىرماندارىم، قىمباتتى وتانداستار! ماعان جولداعان قۇتتىقتاۋلارىڭىزدى وقىپ وتىرمىن.كوپ راقمەت! پرەزيدەنت جارلىعىمەن ماعان جۇكتەلگەن مىندەتتىڭ مارتەبەسى قانشالىقتى بيىك بولسا،سالماعى اتان تۇيەگە جۇك بولارلىق سونشالىقتى اۋىر ەكەنىن ءجىتى ءتۇسىنىپ وتىرمىن. حالىق اماناتىن كوتەرىپ،كوپتىڭ ءۇمىتىن اقتاۋ ەندى ءبىزدىڭ بۋىنعا جۇكتەلىپ وتىر.ارىق سويلەپ،سەمىز شىقسىن دەيمىن...قال-قاۋقارىمشا ادال ەڭبەك ەتىپ، ەل ومىرىنەن اجىراماي،كابينەت قىزمەتكەرى ەمەس، حالىق قىزمەتشىسى بولۋعا ۇمتىلامىن. ونى ايتىپ وتىرعان سەبەبىم: "Dara jol" حابارى توقتامايدى.سول جەردەگى كەزدەسۋلەر،ۇلگى تۇتار تۇلعالاردىڭ اقىلى، تاجىريبەسى، كەڭەسى حالىق پەن زامان تىنىسىن، تىرشىلىك تامىرىنىڭ سوعىسىن سەزىنۋگە ايتارلىقتاي سەپتىگىن تيگىزەرى انىق. ۇلكەن ديىرمەنگە، مايدانعا كەتىپ بارا جاتىرمىن... اتىمدى ەرتتەپ، باتاڭىزدى بەرىپ،اقىل قوسقان بارشالارىڭىزعا العىس ايتامىن! اللا ابىروي بەرسىن دەيمىن...
زور قۇرمەتپەن:
دانا نۇرجىگىت

ايتا كەتەيىك، دانا نۇرجىگىت وسى ۋاقىتقا دەيىن بىرقاتار وتاندىق ارنالاردا قىزمەت اتقاردى. سوڭعى ۋاقىتتا  “قازاقستان” تەلەارناسىنان بەرىلەتىن “دارا جول” باعدارلاماسىمەن قاتار، “بالاپان” تەلەارناسىنىڭ “دارا بالا” اتتى جوبالارىن جۇرگىزدى.

Abai.kz

30 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512