جۇما, 29 ناۋرىز 2024
دەپ جاتىر 3803 12 پىكىر 13 تامىز, 2019 ساعات 13:21

تۇركىمەنباسى كاسپيدە ورتاق قالا سالۋدى ۇسىندى

كەشە تۇركىمەنستاننىڭ اۆازا ۇلتتىق تۋريستىك ايماعىندا كاسپي ەكونوميكالىق فورۋمى باستالدى. وعان كاسپي ماڭىنداعى قازاقستان، رەسەي، ءازىربايجان، يران، تۇركىمەنستان ەلدەرىنىڭ ۇكىمەت وكىلدەرى قاتىستى.

سول جيىندا تۇركىمەنستان پرەزيدەنتى گۋربانگۋلى بەردىمۇحامەدوۆ كورشىلەس قازاقستان، رەسەي، يران، ءازىربايجان ەلدەرىنە كاسپي يننوۆاتسيالىق قالاسىن سالۋدى ۇسىندى. فورۋمىنىڭ اشىلۋىندا ءسوز سويلەگەن بەردىمۇحامەدوۆ:

-تەحنولوگيالىق جانە يننوۆاتسيالىق جوبالاردى جۇزەگە اسىرۋ ءۇشىن ماڭىزدى پلاتفورما قۇرۋ قاجەت دەپ سانايمىز. وسى ماقساتتا ءبىز حالىقارالىق يننوۆاتسيالىق-تەحنولوگيالىق ورتالىق قۇرۋدى ۇسىنامىز. ونى «كاسپي يننوۆاتسيالىق قالاسى» دەپ اتاۋعا بولادى. ول - كاسپي اۋماعىنداعى جانە باسقا مەملەكەتتەردىڭ ىرگەلى عالىمدارى مەن ساراپشىلارى كاسپيدىڭ جاڭا تەحنولوگيالىق جوسپارىن قۇرۋ ءۇشىن بىرلەسىپ جۇمىس ىستەيتىن ەرەكشە يدەيالار زەرتحاناسىنا اينالۋى كەرەك، - دەدى .

تۇركىمەنباسىنىڭ ايتۋىنشا، يننوۆاتسيالىق قالادا تسيفرلىق كلاستەرلەر قۇرىلادى. الايدا ول، قالانى قاي جەردە قۇرۋعا بولاتىنىن ناقتىلامادى. سونداي-اق، ونىڭ ايتۋىنشا، كاسپي ماڭى ەلدەرىنىڭ اۋماعى شىعىستا وڭتۇستىك ازيا مەن ازيا-تىنىق مۇحيتى ايماعىنا، باتىستا قارا تەڭىز بەن جەرورتا تەڭىزىنە، يران ارقىلى وڭتۇستىگىندە تاياۋ شىعىسقا جانە رەسەي ارقىلى جانە ودان ءارى سولتۇستىككە قاراي - بالتىق تەڭىزىنىڭ جاعالاۋىنا دەيىن قاتىناي الاتىنىن ايتتى.

بەردىمۇحامەدوۆتىڭ ايتۋىنشا، مۇنداي كونفيگۋراتسيا ءتورت باعىت بويىنشا تۇراقتى مارشرۋتتار قۇرۋعا مۇمكىندىك بەرەدى جانە ولاردىڭ قالىپتى جۇمىس ىستەۋى ءۇشىن كاسپي ماڭىنداعى مەملەكەتتەر، ەڭ الدىمەن، ءوزارا كولىك بايلانىس جۇيەسىن قۇرۋى كەرەك.

سونىمەن قاتار، بەردىمۇحامەدوۆ پورتتىڭ زاماناۋي ينفراقۇرىلىمىن قۇرىپ، ءتيىمدى لوگيستيكامەن قامتاماسىز ەتۋ قاجەتتىگىن جانە كولىك سالاسىنداعى ىنتىماقتاستىق جوسپارلار بويىنشا بەلسەندى جۇمىس ىستەۋى كەرەكتىگىن دەپ اتاپ ءوتتى.

ايتا كەتەيىك، ءبىرىنشى كاسپي ەكونوميكالىق فورۋمىنا قازاقستان پرەمەر-ءمينيسترى اسقار مامين، رەسەي پرەمەر-ءمينيسترى دميتري مەدۆەدەۆ، ءازىربايجان پرەمەر-ءمينيسترى ناۆرۋز مامەدوۆ جانە يراننىڭ ءبىرىنشى ۆيتسە-پرەزيدەنتى ەسحاك دجاحانگيري قاتىستى.

Abai.kz

12 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3534