جەكسەنبى, 25 تامىز 2019
46 - ءسوز 1118 5 پىكىر 12 تامىز, 2019 ساعات 14:59

وسىلاي نەگىزگى ماسەلە ۇمىتىلادى...

گرەك ميفولوگياسىندا ءبىر اڭىز بار. قىسقاشا ءماتىنى بىلاي: ياسون دەگەن ءبىر جىگىتكە جەرگە ەگىن ەك دەپ الداپ ايداحاردىڭ ءتىسىن بەرەدى. الگى جىگىت كەڭ جەردى اۋدارىپ ەككەندە ورنىنا ەگىس ەمەس ۇلكەن اسكەرلەر ءوسىپ شىعادى. الدانعان جىگىت "مۇنى قالاي جەڭەمىن" دەپ باسى قاتقاندا "ولارمەن سوعىسىپ اۋرە بولما. اسكەردىڭ ءدال ورتاسىنا ۇلكەن تاستى اپارىپ تاستاپ جىبەر. تاستىڭ تۇسكەن جەرىنەن ءبىر-ەكى اسكەر ولەدى. قالعان اسكەر تاستى لاقتىرعان وسى دەپ ءبىر بىرىنەن كۇدىكتەنىپ ءوزارا سوعىسادى. ابدەن قالجىراعان كەزدە ءبارىن جايراتىپ سالاسىڭ" دەيدى.

سول ايتپاقشى ءبىزدىڭ قوعامعا دا ءتۇرلى تاقىرىپتار، سول تاقىرىپتاردى كوتەرەتىن كەيىپكەرلەر ءجيى-ءجيى شىعىپ تۇرادى. حالىق باستى تاقىرىپتاردان اۋىتقىپ ۇساق-تۇيەكتى تالقىلاپ، جىك-جىككە ءبولىنىپ ءوزارا داۋلاسىپ قىرقىسادى. بۇعان تابيعاتىنان بولىنۋگە دايىن تۇراتىن مەنتاليتەت وتقا ماي قۇيعانداي ىقپال ەتەدى. قوعام ابدەن شارشاپ، نە ءبىر ناقتى ناتيجەگە جەتە الماي قالجىراپ بارىپ بۋى شىعادى. وسىلاي ءاۋ باستاعى نەگىزگى ماسەلە دە ۇمىتىلادى. وسىنى حالقىنىڭ مىنەز-قۇلقىن جاقسى بىلەتىندەر ءبىزدىڭ ەلدە ادەمى قولدانادى. تاماشا جۇمىس ىستەيدى. كوپ ويلانۋدىڭ دا قاجەتى جوق. ءوزى ءبىر باستاساڭ ءىلىپ اكەتەتىن 5-6 تاقىرىپ بار. ءار ءتۇرلى فورماتتا وسى تاقىرىپتار ءجيى-ءجيى كوتەرىلەدى...

باۋىرجان سەرىكبايدىڭ facebook پاراقشاسىنان

Abai.kz

5 پىكىر