بەيسەنبى, 28 ناۋرىز 2024
8160 0 پىكىر 31 شىلدە, 2019 ساعات 18:40

بۇقارالىق سپورتتى دامىتۋ باستى نازاردا

ء"تانى ساۋدىڭ - جانى ساۋ" دەيدى. وسى قاعيداعى بەرىك ۇستانعان قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىشۇلى نازارباەۆ تاۋەلسىزدىك العان العاشقى جىلداردان باستاپ قازاقستاندىقتاردى سالاۋاتتى ءومىر سالتىن ۇستانۋعا شاقىرىپ كەلەدى.

جالپى حالىقتىڭ سپورتپەن اينالىسۋى ەل حالقىنىڭ ساۋ دەنەلى بولۋىنا اسەر ەدى. ساۋ دەنەلى، ساپالى ۇلت قانا ماڭگىلىك ەل مۇراتىن ورىنداي الماق. باسقاسىن ايتپاعاندا ەلىمىزدىڭ سپورت سالاسىندا قانداي جەتىستىكتەرگە جەتكەنىن ەسكەرسەك، سونىڭ ءوزى ەلباسىنىڭ سالاۋاتتى ءومىر سالتى ۇستانىمىنىڭ ءوز جەمىسىن بەرگەنىن ايعاقتايدى. ەلىمىز سپورتشىلارى ارقاشان دا حالىقارالىق ارەنالاردا ءىرى تابىستارعا جەتىپ ءجۇر. ونى الداعى ماقالالارىمىزدا تولىقىراق باياندايتىن بولامىز.

ال بۇگىن ايتپاعىمىز بۇقارالىق سپورتتىڭ جايلى. ءبارىمىز بىلەتىندەي، 2018 جىلى 5 قازانا قازاقستان حالىقىنا ارنالعان ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا وسى ماسەلەدە ايتىلدى. اتاپ ايتقاندا، وسى جولداۋدىڭ ەكىنشى تاراۋىندا بۇقارالىق سپورتتى دامىتۋ جايلى ارنايى تاپسىرما بەرىلدى.

ءبىز ايتىپ وتىرعان وتكەن جىلعى ەكىنشى تاراۋى "حالىق تابىسىنىڭ ءوسۋى" دەپ اتالدى. بۇندا نۇرسۇلتان ءابىشۇلى حالىقتىڭ تۇرمىس ساپاسىن كوتەرۋ ماقساتىندا بىرقاتار تاپسىرمالار بەردى. ەلباسى ەل ۇكىمەتىنە، بارلىق جاۋاپتى باسشىلارعا حالىقتىڭ تۇرمىتىق ءال-احۋالىن كوتەرىپ، تۇرمىس ساپاسىن جاقسارتۋدى تاپسىرادى. جوعارلاتۋ ماقستىندا تىنباي جۇمىس ىستەۋ كەرەك ەكەنىن ايتتى.

وسى جولداۋدىڭ ەكىنشى تاراۋ، جەتىنشى تارماقشاسىندا ايتىلعان مىنا سوزدەرگە ءمان بەرۋ كەرەك. وندا "وڭىرلىك دەڭگەيدەگى رەزەرۆتەردى تاۋىپ، بۇقارالىق سپورت پەن دەنە شىنىقتىرۋدىڭ قولجەتىمدىلىگىن ارتتىرۋ قاجەت" دەلىنگەن.

" ۇكىمەتكە جانە اكىمدەرگە كەم دەگەندە 100 دەنە شىنىقتىرۋ-ساۋىقتىرۋ كەشەنىن سالۋدى تاپسىرامىن. سونداي-اق، قولدانىستاعى، اسىرەسە مەكتەپتەردەگى سپورت عيماراتتارىن ءتيىمدى پايدالانىپ، دەنە شىنىقتىرۋمەن اينالىسۋ ءۇشىن اۋلالاردى، پاركتەردى، ساياباقتاردى جابدىقتاۋ قاجەت", - دەدى ەلباسى قازاقستان حالقىنا ارناعان جولداۋىندا.

وسىدان-اق، ەلباسىنىڭ ەل ومىرىنە قانشالىقتى كوڭىل ءبولىپ، حالىقتىڭ سالاۋاتتى ءومىر سالتىن ۇستانۋىنا دەپ بەرىپ وتىرعانىن اڭعارۋعا بولادى.

ەلباسى نۇرسۇلتان نازارباەۆتىڭ وسى تاپسىرمالارىن ورىنداۋ ماقساتىندا بارلىق سالاداعى جاۋاپتى قىزمەتكەرلەر تىنباي ەڭبەك ەتىپ كەلەدى. ماسەلەن، جاقىندا  «نۇر وتان» پارتياسى رۋدنىي قالالىق فيليالىنىڭ باستاماسىمەن ءبىر يگى شارا قولعا الىندى.

اتاپ ايتقاندا، اتالعان ءوڭىردىڭ دەنە شىنىقتىرۋ جانە سپورت باسقارماسى مەن باس پارتيانىڭ فيليالى بىرلەسىپ «كەدەرگىسىز كەلەشەك» پارتيالىق جوباسى اياسىندا مۇمكىندىگى شەكتەۋلى جاندارعا ارنالعان سپورتتىق فەستيۆال وتكىزدى. وبلىس كولەمىن تولىق قامتىعان سپورتتىق جارىسقا سەكسەننەن استام مۇمكىندىگى شەكتەۋلى سپورتشى قاتىستى.

ەڭ ماڭىزدىسى، تاعدىر تالكەگىنە تۇسكەن وسى ءبىر قايسار جانداردىڭ ومىرگە دەگەن قۇلشىنىسى ەرەكە بولدى. ولار وزدەرى ۇشىرعان وسى ءبىر قيىندىقتارعا ەش مويىماي، ەلباسى ۇسىنعان سالاۋاتتى ءومىر سالتىن بەرىك ۇستانىپ كەلەدى. سولاردىڭ ءبىرى پاراۆولەيبول سپورتىمەن اينالىساتىن ورالدىق ازون شايماردانوۆ. ونىڭ ايتۋىنشا، وسى سپورتپەن اينالىسىپ جۇرگەنىنە ءبىرشاما ۋاقىت بولعان ەكەن. وسىعان دەيىن مۇگەدەكتەر اراسىنداعى ءبىرشاما جارىستارعا قاتىسقان.

"قازاقستان رەسپۋبليكاسى پاراۆولەيبولىنان 11 دۇركىن چەمپيونىمىن، ازيا چەمپيوناتىنىڭ كۇمىس جۇلدەگەرىمىن. رۋدنىي  شاھارىندا پاراسپورتپەن اينالىسۋعا بار جاعداي جاسالعان. قاتىسۋشىلاردىڭ سانى كوپ، ياعني باسەكەلەستىك كۇشتى",دەيدى شايماردانوۆ.

ايتار كەتەرلىگى، سايىسقا قاتىسۋشىلارى سپورتتىڭ كوپتەگەن تۇرىنەن سىنعا ءتۇسىپ، باق سىنادى. ۇيىمداستىرۋشىلاردىڭ ايتۋىنشا، ايماقتا سوڭعى جىلدارى سپورتپەن شۇعىلداناتىنداردىڭ سانى ارتىپ كەلەدى. ولاردىڭ قاتارىندا ۇمكىندىگى شەكتەۋلى جاندار دا بار. ولار دا سپورتقا بارىنشا دەن قويىپ، سالاۋاتتى ءومىر سالتىن ۇستانۋعا قۇشتار.

"فەستيۆالدىڭ ماقساتى – سالاۋاتتى ءومىر سالتىن ناسيحاتتاۋ. بۇعان دەيىن ءبىز وبلىستىق جارىس ۇيىمداستىرعان ەدىك. وعان 200-دەن استام مۇمكىندىگى شەكتەۋلى جان قاتىستى. ءبىز وبلىستىق فەستيۆالدى ءداستۇرلى تۇردە وتكىزىپ تۇرۋدى ماقسات ەتىپ وتىرمىز", - دەيدى جارىس ۇيىمتاستىرۋشىسى، رۋدنىي قالالىق ەرىكتى مۇگەدەكتەر قوعامىنىڭ توراعاسى ساناش ەسجانوۆ.

ءسوز سوڭىندا ايتارىمىز، بۇنداي سپورتتىق شارالار بۇقارالىق سپورتتىڭ دامۋىنا ۇلكەن ۇلەسىن قوسادى. قازاقستان الەمگە قۋاتتى سپورتتىق دەرجەۆا رەتىندە بەلگىلى. سول ءۇشىن ەلدەگى ءاربىر ازاماتتىق بەلسەندى تۇردە سپورتپەن شۇعىلدانعانى وڭ. سول ءۇشىن دە ەلباسى جولداۋىندا ايتقانداي ۇكىمەت پەن اكىمدەر ءار وڭىردە دەنە شىنىقتىرۋ-ساۋىقتىرۋ كەشەنىن سالۋدى قولعا الۋدا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3502