بەيسەنبى, 28 ناۋرىز 2024
4251 3 پىكىر 9 تامىز, 2019 ساعات 10:26

پرەزيدەنتتىك كادرلىق رەزەرۆ - ءبىلىمدى جاستار ءۇشىن الەۋمەتتىك ليفت!

بيىل قازاقستاندا جاستار جىلى، بىلەسىزدەر. جاستار ءسوزسىز - مەملەكەتتىڭ ەكونوميكالىق ءھام رۋحاني دامۋىنىڭ لوكوماتيۆى. نەگىزگى قوزعاۋشى كۇشى. ال بىلىكتى ءارى ءبىلىمدى جاستاردى مەملەكەتتىك قىزمەتكە تارتۋ - پرەزيدەنت قاسىم-جومارت توقاەۆتىڭ ساياسي باعدارلاماسىنداعى نەگىزگى باسىمدىق بەرىلگەن ماسەلە بولدى. ءيا، مەملەكەت باسشىسىنىڭ «ساباقتاستىق. ادىلدىك. ورلەۋ» اتتى سايلاۋالدى باعدارلاماسىندا ايتىلعان.

سول ءۇشىن دە جاستاردىق كادرلىق رەزەرۆىن دايارلاۋ ءىسى قولعا الىندى. ول - «پرەزيدەنتتىك كادرلىق رەزەرۆ» دەپ اتالدى. مىنە، وسى كادرلىق رەزەرۆكە ۇمىتكەرلەردى ىرىكتەۋ بيىلعى جىلدىڭ 1 تامىزىندا باستالىپ كەتكەن.

شارتى دا وڭاي. ىرىكتەۋگە رەسپۋبليكا بويىنشا 35 جاسقا دەيىنگى جوعارى ءبىلىمى مەن 5 جىل جۇمىس ءوتىلى بار كەز كەلگەن جاس ازامات قاتىسا الادى. ءتىپتى، ءوتىنىمدى ونلاين جولداۋعا دا مۇمكىندىك جاسالعان.

ىرىكتەۋدىڭ ەگجەي-تەگجەي تۋرالى وتكەندە مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا حانىم بايانداپ بەرگەن.

«ىرىكتەۋ مەملەكەتتىك قىزمەتشىلەردەن عانا ەمەس، ەكونوميكانىڭ بارلىق سەكتورلارىنىڭ وكىلدەرى اراسىندا جۇرگىزىلەدى. بىزگە قازىر ەكونوميستەر مەن IT-ماماندار وتە قاجەت. ءتىپتى سوت جۇيەسىندە كيبەرقىلمىستى اشاتىن ماماندار كەرەك. سوندىقتان، جاڭا تەحنولوگيالارعا بايلانىستى ەكونوميكا سەكتورلارىنان ماماندار كوبىرەك ىرىكتەلەدى»، - دەگەن ەدى انار جايىلعانوۆا.

بۇل اۋەلى جاستار ءۇشىن الەۋمەتتىك ليفت ەكەنى ءسوزسىز. ءتۇرلى سالادى ۇزدىك ناتيجەلەرگە جەتكەن جاس قازاقستاندىقتار رەزەرۆكە ءوتۋ ارقىلى مەملەكەتتىك لاۋازىمدارعا باسقارۋ لاۋازىمدارىنا تاعايىندالا الادى. ال «پرەزيدەنتتىك كادرلىق رەزەرۆكە» ۇمىتكەرلەردى ىرىكتەۋ جىل سوڭىنا دەيىن جالعاسپاق. جىل سوڭىندا رەزەرۆكە 300-گە جۋىق جاس مامان قابىلداناتىن بولادى.

ايتپاقشى، اتالعان كادرلىق رەزەرۆكە ۇمىتكەرلەردى ىرىكتەۋ بويىنشا ماڭعىستاۋ وبلىسى مەملەكەتتىك قىزمەت ىستەرى اگەنتتىگى وڭىرلىك كوممۋنيكاتسيالار قىزمەتىندە ءباسپاسوز بريفينگىن وتكىزگەن. وعان وڭىردەگى مەملەكەتتىك قىزمەت ىستەرى اگەنتتىگىنىڭ، ادەپ جونىندەگى كەڭەستىڭ، پرەزيدەنت جانىنداعى مەملەكەتتىك باسقارۋ اكادەمياسىنىڭ باسشىلار قاتىسقان.

وندا ايتىلعان اقپاراتقا جۇگىنسەك، ازاماتتار كادرلىق رەزەرۆكە 3 جىلدىق مەرزىمگە الىنادى. جانە ىرىكتەۋگە مەملەكەتتىك ساياسي قىزمەتشىلەر قاتىسىرىلمايدى. ال جاڭاعى رەزەرۆكە وتكەن 3 جىلدىڭ ىشىندە ءتيىستى بوس جۇمىس ورنى انىقتالعان جاعدايدا رەزەرۆتەگى كادر ساياسي ءھام باسقارۋشىلىق لاۋازىمىنا ساي قىزمەتكە ۇسىنىلادى.

Abai.kz    

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522