رەسەيدەگءى الابينو پوليگونىندا ارميالىق حالىقارالىق ويىندار – 2019 اياسىندا ءوتىپ جاتقان «تانك بياتلونى» بايقاۋى كوماندالارىنىڭ جەرەبەسى ءوتتى. وعان كوماندا جەتەكشىلەرى، باپكەرلەر مەن تانك ەكيپاجدارىنىڭ مۇشەلەرى قاتىستى.

ارميالىق ويىندار – بۇل ءىرى الەمدىك سپورتتىق بىرىنشىلىكتەردەن ايىرماشىلىعى جوق ءىرى اۋقىمداعى بىرەگەي شارا.  ول ءارتۇرلى ەلدەردىڭ اسكەري ۇجىمدارىنىڭ دوستاستىعى مەن جاۋىنگەرلىك باۋىرلاستىعىنىڭ نەگىزى بولىپ تابىلاتىن حالىقارالىق اۋقىمداعى بىرەگەي ءىس-شارا رەتىندە بىرلەسىپ ۇيىمداستىرۋشى ەلدەرمەن، سونداي-اق حالىقارالىق اسكەري ىنتىماقتاستىقتىڭ، تاجىريبە الماسۋدىڭ، بەيبىتشىلىك پەن تىلەكتەستىكتىڭ جاڭا نىشانى رەتىندە  ۇسىنىلادى.

قازاقستان قارۋلى كۇشتەرىنىڭ كوماندالارى 8 شەتەلدىك مەملەكەتتىڭ اۋماعىنداعى 16 بايقاۋعا قاتىسادى. ارميالىق حالىقارالىق ويىنداردىڭ ەڭ ماڭىزدى جانە كوزتارتار بايقاۋى ارحو فورماتى پايدا بولعانعا دەيىن 2013 جىلدان باستاپ وتكىزىلىپ كەلە جاتقان «تانك بياتلونى» بولىپ تابىلادى.

بيىلعى جىلى العاش رەت قاتىسۋشى كوماندالاردى ەكى ديۆيزيونعا ءبولۋ تۋرالى شەشىم قابىلداندى. ءبىرىنشى ديۆيزيونعا «تانك بياتلونى-2018» سايىسىنىڭ قورىتىندىسى بويىنشا 1-ءشى مەن 12-ءشى ارالىعىندا ورىن العان كوماندالار كىردى. قالعان كوماندالار ەكىنشى ديۆيزيونعا كىردى. جەڭىمپازدار ءاربىر ديۆيزيوندا انىقتالاتىن بولادى. سايىس قورىتىندىسى بويىنشا بارلىق 25 كوماندانىڭ رەيتينگىسى قۇرىلىپ، ايقىندالادى. بۇل كەلەسى جىلى ديۆيزيونداردى جاساقتاۋعا سەپتىگىن تيگىزەدى.

جەرەبە تاستاۋ ناتيجەلەرى بويىنشا قازاقستان قۇراماسى «تانك بياتلونىندا» ءبىرىنشى ديۆيزيوندا كوك تانكتەردە ءۇشىنشى بولىپ سايىسقا تۇسەدى. قازاقستاندىق تانكىشىلەرمەن بىرگە قىزىل تانكتە موڭعوليانىڭ كومانداسى، جاسىل تانكتەردە سيريانىڭ، سارى تانكتەردە ۆەنەسۋەلانىڭ كومانداسى ونەر كورسەتەدى. جەرەبە تاستالعاننان كەيىن كوماندالار داڭعىل جولمەن تانىسىپ، تانكتەرىن الدى.

وسى جىلى «تانك بياتلونى» سايىسى جەتىنشى رەت، ونىڭ بەسەۋى – ارميالىق حالىقارالىق ويىندار شەڭبەرىندە وتكىزىلۋدە. قازاقستان كومانداسىنىڭ العاشقى دوداسى 4 تامىزدا وتەدى.

Abai.kz