پارلامەنت سەناتىنىڭ دەپۋتاتتارى راشيت اكىموۆ پەن داۋرەن ادىلبەكوۆ اقمولا وبلىسىنداعى جۇمىس بابىنداعى ساپارى بارىسىندا ەرەيمەنتاۋ اۋدانىنىڭ نوۆوماركوۆكا اۋىلىندا بولىپ، «جاڭا بەرەكە» سەرىكتەستىگىنىڭ مال بورداقىلاۋ الاڭىنىڭ جۇمىسىمەن تانىستى.

مەكەمە باسشىسى ايدار نىعمەتوۆتىڭ ايتۋى بويىنشا، شارۋاشىلىقتىڭ باستى ماقساتى – وندىرىلگەن كلاستەردى - بۇزاۋدان دايىن ونىمگە دەيىن جەتكىزۋ جانە مەملەكەتتىك باعدارلامالار مەن ينۆەستورلار ارقىلى ەكسپورتقا شىعۋ ەكەنىن اتاپ ءوتتى.

ر.اكىموۆ مال شارۋاشىلىعى سالاسىن دامىتۋمەن اينالىساتىن سەرىكتەستىكتىڭ قىزمەتىنە وڭ باعا بەردى. سەنات دەپۋتاتتارى «حامزە» شارۋا قوجالىعىنىڭ 400 باس سيممەنتال اسىل تۇقىمدى ءىرى قارا مالى بار ءسۇت فەرماسىندا دا بولدى. 2017 جىلدىڭ مامىر ايىندا ىسكە قوسىلعان فەرمانى دامىتۋعا 400 ميلليون تەڭگە نەسيە بەرىلگەن بولاتىن. فەرما ديرەكتورى سەناتورلاردى «حامزە» اۋىل شارۋىشىلىق ءسۇت فەرماسىنىڭ بارلىق جۇمىس قۇرىلىمىمەن تانىستىردى.

سەناتورلار اقسۋات اۋىلىنداعى «Aizet Farms» سەرىكتەستىگىندە دە بولدى. مۇندا «اگروبيزنەس» باعدارلاماسى بويىنشا اۋستراليادان 2200 باس اسىل تۇقىمدى Aberdeen Angus مالى اكەلىنگەن بولاتىن. ر.اكىموۆ اتالعان كاسىپكەرلىك سۋبەكتىلەرىنىڭ ودان ءارى تابىستى دامۋى ءۇشىن ولارعا تولىقتاي مەملەكەتتىك قولداۋ بولاتىنىن، ونىڭ ىشىندە سۋبسيديالار تۇرىندە بەرىلەتىنىن ايتتى.

سەنات دەپۋتاتتارى د.ادiلبەكوۆ جانە ر.اكىموۆ سول كۇنى جۇمىس ساپارىمەن ارشالى اۋدانىنداعى ميحايلوۆ اۋىلدىق وكرۋگiنە بارىپ، اۋىل شارۋاشىلىعى تاۋارىن وندiرۋشiلەرiمەن كەزدەستى. اتاپ ايتقاندا، جەكە ينۆەستيتسيالاردىڭ ۇلەسi, ەڭبەك ونiمدiلiگiن ارتتىرۋ، اۋداننىڭ اگروونەركاسىپ سالاسى بويىنشا مەملەكەتتiك باعدارلامالارىن iسكە اسىرۋ ماسەلەلەرi قوزعالدى.

Abai.kz