جۇما, 29 ناۋرىز 2024
ەل ءىشى... 4818 11 پىكىر 31 شىلدە, 2019 ساعات 12:22

ەلباسى «كاسىپوداق قايراتكەرى» مەدالىمەن ماراپاتتالدى

1980-ءشى جىلداردىڭ اياعىندا قايتا قۇرۋ كەزەڭىندە، ياعني «دەموكراتيا» ەتەك الا باستاعان  شاقتا مەملەكەتتىك ورگاندار مەن مەكەمەلەردى، اسكەر مەن قۇقىق قورعاۋ ورگاندارىن ساياساتسىزداندىرۋ جانە پارتياسىزداندىرۋ ءۇردىسى باستالدى. ال كاسىپوداقتاردا ىدىراۋ جانە السىرەۋ كەزەڭى باستالدى.

ەلىمىز ەگەمەندىككە، تاۋەلسىزدىككە قول جەتكىزگەن كەزدە 90 جىلداردىڭ باسىندا جاڭا پرەزيدەنت اپپاراتىندا نۇرسۇلتان ءابىشۇلى نازارباەۆتىڭ قولداۋىمەن باستاۋىش كاسىپوداق ۇيىمى قۇرىلدى. بۇل بارلىق ورتالىق مەملەكەتتىك ورگانداردا پارتيالىق جانە كاسىپوداق كوميتەتتەرى تارقاعان ۋاقىتتا بولدى.

سول كەزدەن باستاپ مەملەكەت باسشىسى كاسىپوداق كوميتەتىنىڭ جۇيەلى قىزمەت اتقارۋىنا قامقورلىق تانىتتى. ىشكى اپپارات ماسەلەلەرى بويىنشا تاپسىرمالاردى كاسىپوداقتار ارقىلى جۇزەگە اسىرۋدى ۇسىنىپ وتىردى، وسىلايشا قوعامدىق ۇيىمنىڭ بەدەلىن ارتتىردى. پرەزيدەنت اكىمشىلىگىنىڭ كاسىپوداق كوميتەتىنىڭ باسشىسى وسىنداي قولداۋدى سەزىنە وتىرىپ، ەلباسى ارتىپ  وتىرعان سەنىمدى اقتاۋعا تىرىستى جانە ۇجىمدا بەلسەنە جۇمىس اتقاردى.

قازاقستان رەسپۋبليكاسى تۇڭعىش پرەزيدەنتىنىڭ ەلىمىزدىڭ كاسىپوداقتارى تاريحىنداعى ايرىقشا ءرولىن ەسكەرە وتىرىپ، مەملەكەتتىك، بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداعىنىڭ ورتالىق كوميتەتىنىڭ پرەزيديۋمى ءوزىنىڭ جوعارى كاسىپوداق ماراپاتىن بەكىتتى جانە:

«كاسىپوداق قوزعالىسىنىڭ دامۋىنا، قازاقستان رەسپۋبليكاسى پرەزيدەنت اكىمشىلىگىنىڭ باستاۋىش كاسىپوداق ۇيىمىن قۇرۋعا جانە ساقتاۋعا، مەملەكەتتىك قىزمەتشىلەردىڭ سالالىق كاسىپوداعىن نىعايتۋعا قوسقان زور ۇلەسى ءۇشىن جانە كاسىبي مەرەكە – مەملەكەتتىك قىزمەتشىلەر كۇنىنە وراي «مەملەكەتتىك، بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداعى» قوعامدىق بىرلەستىگىنىڭ «كاسىپوداق قايراتكەرى» №001 مەدالىمەن قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىشۇلى نازارباەۆتى ماراپاتتاۋ تۋرالى»، - شەشىم قابىلدادى.

كاسىپوداق ماراپاتى قازاقستان رەسپۋبليكاسىنىڭ تۇڭعىش پرەزيدەنتى – ەلباسى كەڭسەسىنىڭ باسشىسى ماحمۇد قاسىمبەكوۆقا تاپسىرىلدى.

كاسىپوداقتار فەدەراتسياسىنىڭ ءباسپاسوز قىزمەتى

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3580