جۇما, 29 ناۋرىز 2024
3069 0 پىكىر 31 شىلدە, 2019 ساعات 10:13

قىزىلوردا وبلىسىندا جۇمىسسىزدىقتى جويۋ جۇيەلى جۇرگىزىلۋدە

بۇگىنگى تاڭدا قىزىلوردا وبلىسىنداعى جۇمىسسىزدىق دەڭگەيى 4,8 پايىزدى قۇراپ وتىر. ال ەڭبەكپەن قامتىلعان 11910 ادامنىڭ 5071-ءى تۇراقتى جۇمىسپەن قامتىلعان،- دەپ حابارلايدى اباي-اقپارات.

الەۋمەتتىڭ الەۋەتىن ارتتىرۋعا باعىتتالعان شارالار لەگى سىر وڭىرىندە قارقىندى جۇرگىزىلۋدە. جۇمىسسىزدىق جويۋ، جاڭا جۇمىس ورىندارىن اشۋ سىندى جوبالار كەزەڭ-كەزەڭ ىسكە اسىرىلۋدا. جەرگىلىكتى قازىنادان تولەنەتىن قوعامدىق جۇمىستارعا 4 229 ادام، جاستار تاجىربيەسىمەن 1674 ادام، الەۋمەتتىك جۇمىستارعا 936 ادام جىبەرىلگەن. دەرەكتەرگە سۇيەنسەك، 2019 جىلدىڭ قاڭتار-ناۋرىز ايلارىندا ءبىر قىزمەتكەردىڭ ورتاشا ايلىق جالاقىسى 134 129 تەڭگەنى قۇراعان.

قازىرگى كۇنى قىزىلوردا وبلىسىنىڭ قارجىلىق احۋالىنا قالىپتى دەڭگەيدە. ەسەپتى مەرزىم ىشىندە مەملەكەتتىك بيۋدجەتكە 76,3 ملرد تەڭگە سالىقتار جانە باسقا دا مىندەتتى تولەمدەردەن ءتۇسىم تۇسكەن. ونىڭ 51 ملرد تەڭگەسى رەسپۋبليكالىق، 25,3 ملرد تەڭگەسى جەرگىلىكتى بيۋدجەتكە تيەسىلى.

وبلىسى اكىمدىگىنىڭ اقپاراتىنا سۇيەنسەك، العاشقى جارتىجىلدىق دامۋ تەندەنتسياسى قالىپتى كورسەتكىشكە يە. ەسەپتى كەزەڭگە بيۋدجەت تۇسىمدەرى 102,2 پايىزعا، بيۋدجەتتىڭ ءوز كىرىستەرى 112,8 پايىزعا ورىندالعان. ال وبلىس قازىناسىنا 3,1 ملرد تەڭگە ارتىق ءتۇسىم تۇسكەن. رەسپۋبليكالىق بيۋدجەت ترانسفەرتتەرى مەن كرەديتتەرىنەن ەسەپتى كەزەڭدە 116,2 ملرد تەڭگە تولىعىمەن الىنعان. جىل باسىنان بەرى يگەرىلۋى ءتيىس قارجىنىڭ ورىندالۋى 99,1 پايىزدى قۇراپ وتىر.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544