جۇما, 29 ناۋرىز 2024
اقمىلتىق 4258 4 پىكىر 31 شىلدە, 2019 ساعات 11:12

حالىق الەۋمەتتىك ماسەلەلەردى الىس كەلەشەكتە ەمەس، ءدال قازىر شەشۋگە مۇددەلى

ۇندەۋ

قوعامدى قانداي ماسەلەلەر تولعاندىرادى؟ ولاردى تەز ارادا جانە ءتيىمدى شەشۋدىڭ جولدارى قانداي؟

I. حالىقتىڭ كوپشىلىك بولىگىنىڭ الەۋمەتتىك جاعدايىنىڭ ناشارلىعى:

-باسپانانىڭ جوقتىعى.

-تۇراقتى جۇمىستىڭ جوقتىعى.

-تومەن ەڭبەكاقى.

-مۇقتاج ادامدارعا بەرىلەتىن ەڭ تومەن جاردەماقى. 

-ينفلياتسيا.

II. اۋىلدىق جەرلەردەگى ينفراقۇرىلىمداردىڭ توزىعى جەتكەن نىساندار نەمەسە ولاردىڭ مۇلدە جوقتىعى:

-ورتالىقتاندىرىلعان اۋىز سۋ جۇيەلەرى;

-كاناليزاتسيا;

-تابيعي گاز;

-اۋىل ىشىندەگى جانە ەلدى مەكەن ارالىعىنداعى جارامسىز جولدار;

-اپاتتىق جاعدايداعى جانە 3 اۋىسىمدى مەكتەپتەر;

-اۋىلدىق ەلدى مەكەندەردىڭ ۇسقىنسىز كەلبەتى.

ءIىى. ەكونوميكانىڭ شيكىزاتتىق باعىتى. شاعىن جانە ورتا بيزنەستىڭ جەتكىلىكسىز دامۋى. ۇزاق مەرزىمگە بەرىلەتىن تومەن پايىزدى نەسيەلەردىڭ جەتىمسىزدىگى.

ءىV. ىشكى ساياسي ماسەلەلەر. قوعامنىڭ دەموكراتيالانۋى.

V. مەملەكەتتىك جانە قۇقىق قورعاۋ ورگاندارىنداعى سىبايلاس جەمقورلىقتىڭ كوبەيۋى.

ءبىزدىڭ ويىمىزشا، بۇل بۇگىنگى تاڭداعى جەدەل شەشىمىن تابۋعا ءتيىستى نەگىزگى ماسەلەلەر. ءبىزدىڭ تاجىريبەلى ءومىر مەكتەبىنەن وتكەن ىنتالى توپ اقش، انگليا، قىتاي جانە باسقا شەت ەلدەردە ءبىلىم العان جاس ماماندارمەن بىرىگە وتىرىپ، اتالعان جايتتەردى جەدەل شەشۋدىڭ جولدارىن قاراستىردى.

ءبىزدىڭ ۇسىنىستارىمىز!

ءى. حالىقتىڭ كوپشىلىك بولىگىنىڭ الەۋمەتتىك جاعدايىنىڭ ناشارلىعى:

1. ءۇش جىل ارالىعىندا كەزەكتە تۇرعان 200,0 مىڭ الەۋمەتتىك جاعدايى تومەن وتباسىلاردى باسپانامەن قامتاماسىز ەتۋ.

2. جىل سايىن 100,0 مىڭ تۇراقتى جۇمىس ورنىن قۇرۋ.

3. مۇعالىمدەر مەن دارىگەرلەردىڭ ەڭبەكاقىسىن 2,0 ەسە كوبەيتۋ.

4. 2021 جىلعا قاراي ەڭ تومەنگى جالاقى دەڭگەيىن 150 مىڭ تەڭگەگە جەتكىزۋ.

5. 2021 جىلدان باستاپ بارلىق جاردەماقى تۇرلەرىن 2 ەسە كوبەيتۋ .

6. ينفلياتسيا دەڭگەيىن 2021 جىلدان 1,5-2 پايىز دالىزىندە قامتاماسىز ەتۋ.

ءىى. اۋىلدىق جەرلەردەگى ينفراقۇرىلىمداردىڭ توزىعى جەتكەن نىساندار نەمەسە ولاردىڭ مۇلدە جوقتىعى:

1. بارلىق ەل تۇرعىندارىن 100 پايىز ورتالىقتاندىرىلعان اۋىز سۋمەن قامتاماسىز ەتۋ (3 جىل ىشىندە).

2. بارلىق ەلدى مەكەندەردى تولىقتاي گازبەن قامتاماسىز ەتۋ. (3 جىل ىشىندە).

3. ءۇش جىل ارالىعىندا 5,0 مىڭ كيلومەتر جەرگىلىكتى جولداردى جوندەۋ.

4. اپاتتى جاعدايداعى جانە ءۇش اۋىسىممەن وقىتاتىن مەكتەپتەر ماسەلەسىن تولىقتاي شەشۋ (3 جىل ىشىندە).

5. 1000 ادامنان ارتىق تۇرعىندارى بار اۋىلدىق ەلدى مەكەندەردى ەۋروپالىق ستاندارتقا سايكەستەندىرۋ (2 جىل ىشىندە).

6. 2023 جىلعا دەيىن بارلىق مۇقتاج ستۋدەنتتەردى جاتاقحانامەن تولىقتاي قامتاماسىز ەتۋ.

ءىىى. ەكونوميكانىڭ شيكىزاتتىق باعىتى. شاعىن جانە ورتا بيزنەستىڭ جەتكىلىكسىز دامۋى. ۇزاق مەرزىمگە بەرىلەتىن تومەن پايىزدى نەسيەلەردىڭ جەتىمسىزدىگى:

1. مال شارۋاشىلىعىنا 1 ملرد. دوللاردان اسا بيۋدجەتتەن تىس ينۆەستيتسيا تارتۋ (3 جىل ىشىندە).

2. سۋارمالى جەرلەردى وركەندەتۋ ءۇشىن 3 ملرد. اقش دوللارى كولەمىندە بيۋدجەتتەن تىس ينۆەستيتسيا تارتۋ; بۇل رەتتە سۋارمالى جەرلەر ينفراقۇرىلىمىن بيۋدجەتتىك قارجى ەسەبىنەن سالۋ كەرەك.

3. ەكسپورتقا بەيىمدەلگەن شيكىزاتتىق ەمەس 300 جۋىق كاسىپورىندار اشۋ. (3 جىل ىشىندە).

4. ورتا جانە شاعىن بيزنەستى دامىتۋعا ارنالعان جىلدىق پايىزدىق مولشەرلەمەسى 4  پايىزدان ارتىق ەمەس نەسيەلەردى 2021 جىلدان باستاپ جەتكىلىكتى كولەمدە قامتاماسىز ەتۋ.

ءىV. ىشكى ساياسي ماسەلەلەر. قوعامنىڭ دەموكراتيالانۋى:

1. 2021 جىلعا دەيىن حالىقتىڭ اكىمدىكتەر مەن ورتالىق مەملەكەتتىك ورگانداردىڭ جۇمىسىن باقىلاۋىنىڭ جاريالى، قاراپايىم مەحانيزمىن جاساۋ.

2. جىل سايىن شىعارماشىلىق وداقتارعا گرانتتىق نەگىزدە 25,0 ملرد تەڭگەگە جۋىق قارجى ءبولىپ وتىرۋ.

V. مەملەكەتتىك جانە قۇقىق قورعاۋ ورگاندارىنداعى سىبايلاس جەمقورلىقتىڭ كوبەيۋى:

1. سىبايلاس جەمقورلىقتى 90 پايىزعا جويىپ، سىبايلاس جەمقورلىق دەڭگەيىن دامىعان ەۋروپالىق ەلدەر دارەجەسىنە دەيىن تومەندەتۋ.

اتالعان مىندەتتەردى شەشۋ ءۇشىن قوسىمشا قاراجات قاجەت ەمەس.ءتۇرلى مەملەكەتتىك باعدارلامالار مەن ۇلكەن جوبالاردا قاراستىرىلعان قاراجات جەتكىلىكتى. بارلىق ماقساتتارعا بيۋدجەتتىك قارجىنى ءتيىمدى جۇمساۋ ارقىلى قول جەتكىزۋگە بولادى.

كىمدە-كىمدى ءوز تاعدىرى، ءوز بالالارىنىڭ بولاشاعى الاڭداتسا، ءبىزدى قولدايدى دەپ سەنەمىز.

ال تۇرمىس جاعدايى جاقسى، بيۋدجەتتىڭ «مايشەلپەگىمەن» مايلانىپ جۇرگەن ادامدارعا بۇل قاجەت ەمەس، ءتىپتى، ولار ءۇشىن قاۋىپتى. سوندىقتان ولار وزدەرىنىڭ «قولبالا» ساراپشىلارى ارقىلى اتالعان ۇسىنىستى قارالاپ، بۇل – جاي داقپىرت دەۋى مۇمكىن.

حالىق قوردالانعان ماسەلەلەردى الىس كەلەشەكتە ەمەس، ءدال قازىر شەشۋگە مۇددەلى. سول سەبەپتەن، ءبىزدىڭ ۇسىنىستارىمىز جەدەل، ناقتى سيپاتقا يە.

ۇكىمەت ءبىزدىڭ ۇسىنىستارىمىزدى ادەتتەگىدەي ەشنارسە ەستىمەگەن، كورمەگەندەي بولىپ جاۋاپسىز قالدىرا ما دەگەن قاۋپىمىز بار.

ءبىز ەلىمىزدىڭ ازاماتتارىنان، ساياسي پارتيالاردان، قوعامدىق بىرلەستىكتەردەن، وتان پاتريوتتارىنان  كورسەتىلگەن ۇسىنىستارعا بايىپپەن قاراپ، بىرگە تالقىلاۋدى، ناقتىلاۋدى جانە ىسكە اسىرۋعا قولعابىس تيگىزۋىن سۇرايمىز.

جوعارىدا كورسەتىلگەن ماقساتتاردىڭ ناقتى ورىندالاتىنىنا بەك سەنىمدىمىز. تەك وسىنى جۇزەگە اسىرۋدىڭ مەحانيزمىن جەتىلدىرىپ، نورماتيۆتىك قۇقىقتىق اكتىلەرگە كەيبىر وزگەرىستەر ەنگىزۋ قاجەت.

ەگەر ءبىزدىڭ ۇندەۋىمىز قازاقستان رەسپۋبليكاسى پرەزيدەنتىنىڭ جانىنداعى ۇلتتىق كەڭەستى، قاتارداعى ازاماتتاردى قىزىقتىرسا، ءبىز وسىناۋ ماقساتتارعا قالاي جەتۋگە بولاتىنىن مەيلىنشە كەڭىنەن بايانداپ بەرۋگە دايىنبىز.

يسلام ءابىش

باستاماشىل توپتىڭ جەتەكشىسى

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606