سارسەنبى, 13 قاراشا 2019
1262 0 پىكىر 30 شىلدە, 2019 ساعات 15:53

قارماقشى اۋدانىندا قۇس ەتىن وندىرەتىن كاسىپورىن اشىلادى

قىزىلوردا وبلىسى، قارماقشى اۋدانى، اقتوبە اۋىلىندا قۇس ەتىن وندىرەتىن جەكە كاسىپورىن ىسكە قوسىلماق. بۇگىنگى تاڭدا اتالعان كاسىپورىننىڭ قۇرىلىس جۇمىستارى قارقىندى جۇرگىزىلۋدە،- دەپ حابارلايدى اباي-اقپارات.

جوبانىڭ جىلدىق قۋاتتىلىعى 1 جارىم مىڭ توننا قۇس ەتىن وڭدەۋگە ارنالعان. ايتا كەتەيىك، بۇل كاسىپورىن وبلىستا قۇس ەتىن وندىرەتىن تۇڭعىش فابريكا بولىپ وتىر. مۇندا 50-دەن اسا اۋىل تۇرعىنىن ەڭبەكپەن قامتىلادى دەپ جوسپارلانعان.

– قارماقشى اۋدانىندا ىسكە اسىرىلىپ جاتقان ينۆەستيتسيالىق جوبامىزدىڭ ءبىرى-«اقتوبە ي كومپانيا» جاۋاپكەرشىلىگى شەكتەۋلى سەرىكتەستىگىنىڭ قۋاتتىلىعى جىلىنا ءبىر مىڭ بەسجۇز توننا قۇس ەتىن وندىرەتىن وسى قۇس فابريكاسى. جوبانىڭ جالپى قۇنى 1,9 ميلليارد تەنگەنى قۇرايدى. زاۋىتتى ورنالاستىرۋ ءۇشىن 20 گەكتار جەر تەلىمى اۋكتسيونسىز بەرىلسە، زاۋىتتى بولاشاقتا قۇراما جەم تۇرلەرىمەن قامتاماسىز ەتۋ ءۇشىن 512 گەكتارداي جەر تەلىمى دە بولىنگەن بولاتىن،- دەپ اتاپ ءوتتى قىزىلوردا وبلىسى يندۋستريالىق-يننوۆاتسيالىق دامۋ باسقارماسى باسشىسىنىڭ ورىنباسارى جانار بەردەنوۆا.

ەستەرىڭىزگە سالا كەتەيىك، اقتوبە اۋىلى تۇرعىندارىنىڭ باستى تابىس كوزى كۇرىش، مال جانە باقشا شارۋشىلىعى.

جاقىن كۇندەرى ىسكە قوسىلاتىن جاڭا كاسىپورىن ەلدى مەكەندەگى جۇمىسسىزدىقتى ازايتۋعا سەپ بولماق.

Abai.kz

0 پىكىر