بەيسەنبى, 28 ناۋرىز 2024
3480 6 پىكىر 12 شىلدە, 2019 ساعات 16:08

پۋتين مەن زەلەنسكي دونباستاعى جاعدايدى تالقىلادى

رەسەي پرەزيدەنتى ۆلاديمير پۋتين ۋكراينانىڭ جاڭا پرەزيدەنتى ۆلاديمير زەلەنسكيمەن تەلەفون ارقىلى سويلەستى. مەملەكەت باسشىلارى تەلەفون ارقىلى ۋكراينانىڭ شىعىسىنداعى جاعداي مەن تۇتقىنداردى ايىرباستاۋ ماسەلەسىن تالقىلاعان.

پرەزيدەنتتەر سونىمەن بىرگە "نورماند تورتتىگى" اياسىندا كەزدەسۋ مۇمكىندىگىن تالقىلاعان. وسىنىڭ الدىندا پۋتين زەلەنسكيمەن كەلىسسوز جۇرگىزۋ ءۇشىن بىرقاتار شارتتار قويعان.

رەسەي پرەزيدەنتىنىڭ سوزىنشە، "نورماند تورتتىگى" بويىنشا كەزدەسۋ تەك ۋكرايناداعى پارلامەنت سايلاۋىنان كەيىن، ۇكىمەتتىڭ جاڭا قۇرىلىمى جاساقتالعاننان كەيىن مۇمكىن. بىراق پۋتين كەلىسسوز فورماتىن كەڭەيتۋگە قارسى ەمەس ەكەنىن اتاپ وتكەن.

دونباستاعى جاعدايدى رەتتەۋ ءۇشىن قۇرىلعان "نورماند تورتتىگى" قۇرامىنا فرانتسيا، گەرمانيا، ۋكراينا جانە رەسەي كىرەدى. زەلەنسكي بۇل قۇرامعا اقش-تى قوسىپ، جاڭا كەلىسسوزدى مينسكىدە وتكىزۋدى ۇسىنعان.

ۋكراينا پرەزيدەنتىنىڭ بۇل ۇسىنىسىنا رەسەي سىرتقى ىستەر ءمينيسترى سەرگەي لاۆروۆ جاۋاپ بەرگەن. ول زەلەنسكي ۇسىنىسىن فەيسبۋك ارقىلى جاريا تۇردە ەمەس، ديپلوماتيالىق كانالدار ارقىلى ايتۋى كەرەك ەدى دەگەن.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522