جۇما, 29 ناۋرىز 2024
اڭىز اباي 5202 2 پىكىر 12 شىلدە, 2019 ساعات 12:12

يگور كرۋتوي ابايدىڭ ولەڭىن وقىدى

رەسەي فەدەراتسياسىنىڭ حالىق ءارتiسi يگور كرۋتوي ۇلى اقىن اباي قۇنانبايۇلىنىڭ ولەڭىن وقىدى. بۇل ولەڭدى ول اقىننىڭ 175 جىلدىق مەرەيتويىنا وراي جالعاسىپ جاتقان «اباي ولەڭدەرىن جاتقا وقۋ» ەستافەتاسى اياسىندا وقىپ وتىر. رەسەيلىك كومپوزيتورعا ەستافەتانى ديماش قۇدايبەرگەن جولداعان ەدى.

«قازاق حالقىنىڭ ۇلى ويشىلى، اقىن ابايدىڭ 175 جىلدىعىنا ارنالعان ەستافەتانى قۋانىشپەن قابىلداپ الدىم. ماعان بۇل ەستافەتانى جاس دوسىم، اسا تالانتتى ءانشى ديماش قۇدايبەرگەن جولدادى.ەستافەتانى دوسىم، قر-نىڭ رەسەيدەگى ەلشىسى يمانعالي تاسماعامبەتوۆقا جولدايمىن», - دەدى يگور كرۋتوي.

«بارلىق قازاقستاندىقتارعا بەيبىتشىلىك، جاقسىلىق جانە يگىلىك تىلەيمىن»، - دەدى ول ءسوز سوڭىندا.

«اباي ولەڭدەرىن جاتقا وقۋ» ەستافەتاسىنىڭ كەڭ كولەمدە جالعاسۋىنا 9 جاستاعى مەكتەپ وقۋشىسى ءلايلىم-شىراق ەرلانقىزى تۇرتكى بولدى. ول ۇلى اقىننىڭ ولەڭىن وقىپ، ونى پرەزيدەنت قاسىم-جومارت توقاەۆقا جولداعان بولاتىن.

مەملەكەت باسشىسى ەستافەتاعا قولداۋ ءبىلدىرىپ، اقىننىڭ «عىلىم تاپپاي ماقتانبا» ولەڭىنەن ءۇزىندى وقىدى. ءارى ەستافەتانى ودان ءارى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان.

الەمگە ايگىلى قازاق ءانشىسى ديماش قۇدايبەرگەن دە مەملەكەت باسشىسى ۇسىنعان ەستافەتانى قۋانىشپەن قابىل الىپ، ۇلى اقىننىڭ «قاقتاعان اق كۇمىستەي كەڭ ماڭدايلى» ولەڭىن وقىدى. ديماش بۇل challenge-ءدى جالعاستىرۋدى اقتوبە وبلىسىنىڭ اكىمى وڭداسىن سەيىلۇلى ورازالينگە، رف-نىڭ حالىق ءارتiسi يگور كرۋتويعا جانە ءوزىنىڭ بارلىق تىڭدارمانىنا تاپسىرعان ەدى. وسىعان وراي رەسەيلىك ونەرپاز ۇلى ابايدىڭ ولەڭىن وقىپ وتىر.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3588