جۇما, 29 ناۋرىز 2024
3308 2 پىكىر 11 شىلدە, 2019 ساعات 16:26

بيىلعى «نۇر سۇڭقاردى» كىمدەر الدى؟

كەشە نۇر-سۇلتان قالاسىنداعى تاۋەلسىزدىك سارايىندا «Nur Sunqar» كونكۋرسىنىڭ جەڭىمپازدارىن ماراپاتتاۋ سالتاناتى ءوتتى.

وتاندىق جۋرناليستەردى، بلوگەرلەر مەن شىعارماشىلىق ۇجىمداردى قولداۋ، ولاردىڭ كاسىبي جۋرناليستيكانى دامىتۋعا، قوعامدى جەدەل ءارى وبەكتيۆتى اقپاراتپەن قامتاماسىز ەتۋگە قوسقان ۇلەسىن باعالاۋ ماقساتىندا ۇيىمداستىرىلىپ كەلە جاتقان كونكۋرستى «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك اشتى. ول ءوز سوزىندە قازىرگى تاڭدا قوعامدا جۋرناليستكانىڭ الىپ وتىرعان ءرولى مەن ىقپالىنا توقتالدى.

- بيىل پرەزيدەنت سايلاۋىنا بايلانىستى بايقاۋ مەرزىمنەن كەش وتكىزىلۋدە. مەملەكەت باسشىسى قاسىم-جومارت كەمەلۇلى توقاەۆتىڭ باستاماسىمەن 28 ماۋسىم جۋرناليستەر كۇنى رەتىندە ءوز الدىنا بولەك مەرەكە بولىپ بەكىتىلگەنىن جاقسى بىلەسىزدەر. بۇل – جۋرناليستەردىڭ قوعامداعى مارتەبەسىن ودان ءارى وسىرەتىن يگى باستاما. سىزدەر حالىق پەن مەملەكەت اراسىنداعى التىن كوپىرسىزدەر. بيىلعى مەرەيتويلىق كونكۋرس «Nur Otan» پارتياسىنىڭ 20 جىلدىعىمەن تۇسپا-تۇس كەلىپ وتىر،- دەدى باۋىرجان بايبەك.

«Nur Suńqar» بايقاۋى وسىمەن قاتارىنان ونىنشى رەت وتكىزىلىپ جاتىر. ون جىلدا 100-دەن استام جۋرناليست ءتۇرلى نوميناتسيالار بويىنشا جەڭىمپاز اتاندى.

بيىلعى وتكەن كونكۋرس ناتيجەسى نەگىزىندە جەڭىمپازدار 10 اتالىم بويىنشا انىقتالدى. ولار:

«حالىق داۋىسى» نوميناتسياسى بويىنشا ۇزدىك تەلەۆيزيالىق جۋرناليست بولىپ «قازاقستان» رترك «اپتا» باعدارلاماسىنىڭ رەداكتور-ساراپشىسى ايبەك قوبداباي;

«توچكا زرەنيا» نوميناتسياسى بويىنشا ۇزدىك تەلەۆيزيالىق جۋرناليست بولىپ «حابار24» تەلەارناسىنىڭ شىعارۋشى رەداكتورى جۇراعات بامان;

«ءسوز زەرگەرى» نوميناتسياسى بويىنشا ۇزدىك گازەت ءجۋرناليسى بولىپ «ەگەمەن قازاقستان» گازەتى باس رەداكتورىنىڭ ورىنباسارى عابيت مۇسىرەپ;

«ماستەر سلوۆا» نوميناتسياسى بويىنشا ۇزدىك گازەت ءجۋرناليسى بولىپ «ليتەر» رەسپۋبليكالىق قوعامدىق-ساياسي گازەتىنىڭ ءتىلشىسى تالعات يسەنوۆ;

«مەديا-پروفي» نوميناتسياسى بويىنشا ۇزدىك ينتەرنەت باسىلىم ءجۋرناليسى بولىپ Bnews.kz اقپارات اگەنتتىگىنىڭ باس رەداكتور اكمارال ولجاباەۆا;

«جاس سەرپىلىس» نوميناتسياسى بويىنشا ۇزدىك جاس جۋرناليست بولىپ «حابار» تەلەارناسى» اق ساراپتامالىق باعدارلامالار ءبولىمىنىڭ تىلشىلەرى ساكەن ماحامەتكەرىموۆ پەن نازىمگۇل كۇمىسپاەۆا تانىلدى.

«ەلباسى سالعان سارا جول» نوميناتسياسى بويىنشا ەلباسى قىزمەتىن ەڭ جاقسى كورسەتكەن جاريالانىم ءۇشىن ماراپاتىن «كازاحستانسكايا پراۆدا» گازەتىنىڭ ارنايى ءتىلشىسى يگور پروحوروۆ يەلەندى.

«پارتيالىق جوبالار جايلى جارىق كورگەن ەڭ جاقسى جاريالانىم ءۇشىن» نوميناتسياسىنىڭ سىيلىعى «استانا تV» تەلەارناسىنىڭ اقپاراتتىق-ساراپتامالىق باعدارلامالار قىزمەتىنىڭ ارنايى ءتىلشىسى ەكاتەرينا برىنيۋك پەن «ايقىن» گازەتىنىڭ شولۋشىسى گۇلجان راحمانوۆاعا بەرىلدى.

«رۋحاني جاڭعىرۋ» قوعامدىق سانانى جاڭعىرتۋ باعدارلاماسىن ناسيحاتتاۋعا قوسقان ۇلەسى ءۇشىن ماراپاتىن «استانا تەلەارناسى» جشس-نىڭ اتقارۋشى پروديۋسەرى بازاركۇل وتىنشيەۆا مەن «اباي» جۋرنالىنىڭ ءتىلشىسى ايگۇل كەمەلباەۆا ەنشىلەدى.

«مايتالمان» نوميناتسياسى وتاندىق جۋرناليستيكانىڭ دامۋىنا قوسقان ۇلەسى ءۇشىن «جەتىسۋ» تەلەارناسىنىڭ قىزمەتكەرى نۇرتىلەۋ يمانعاليۇلىنا بەرىلدى.

ماراپاتتالعان بارشا ارىپتەستەرىمىزدى قۇتتىقتاي وتىرىپ، شىعارماشىلىق تابىس تىلەيمىز! 

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606