سارسەنبى, 21 تامىز 2019
46 - ءسوز 1281 7 پىكىر 11 شىلدە, 2019 ساعات 14:36

ءبىزدىڭ شەنەۋنىكتەردىڭ قۇلاعىنا التىن سىرعا...

مەكسيكانىڭ كۋاتەموك قالاسىنىڭ مەرى كارلوس تەن ەرەكشە ەكسپەريمەنت جاسادى. ول ناشار كيىنىپ، گريمم جاساپ، مۇگەدەكتەر ارباسىنا وتىرىپ، قالانى ارالاپ شىققان. ءسويتىپ بىلايشا ايتقاندا "ۆ شوكە" بولعان.

الەۋمەتتىك كومەك بەرەتىن مەكەمە قىزمەتكەرلەرى ونى ەلەمەي، كومەك الۋ قۇجاتىن تولتىرۋعا كومەكتەسپەپتى. تەك ءبىر قىز عانا وعان جانى اشىپ، تۇسكى اس رەتىندە جەلە بەرىپتى. وزگە مەكەمەلەر ونى قۋىپ، ءتىپتى سۋدا بەرمەگەن. مۇگەدەكتەرگە ارنالعان ليفتتەر جۇمىس ۋاقىتىندا جابىق تۇرعان. قايدا بارسا دا، قورلىق پەن كەمسىتۋ كورگەن.

ول بۇل ەكسپەريمەنتكە شەنەۋنىكتەر بەرگەن اقپارات پەن حالىقتىڭ ايتقان مالىمەتىنىڭ سايكەسسىزدىگىنەن بارىپتى. ءسويتىپ اقيقاتقا كوزى جەتكەن. ەكسپەريمەنتتەن كەيىن ءبىراز ادامدى جۇمىستان شىعارىپ، جۇمىس ىستەۋ ءتارتىبىن وزگەرتۋدى جانە ەسەپ بەرۋدى جاڭالاۋدى ويلاستىرماق.

ءبىزدىڭ شەنەۋنىكتەردىڭ قۇلاعىنا 999 پروباسى بار التىن سىرعا. وتىرىك ستاتيستيكاعا سەنە بەرمەي، حالىقتىڭ ايتقانىنا ءبىر قۇلاق ءتۇرىپ، قاراپ قويىڭدار!

اسحات قاسەنعاليدىڭ facebook پاراقشاسىنان

Abai.kz

7 پىكىر