بەيسەنبى, 28 ناۋرىز 2024
2240 0 پىكىر 11 شىلدە, 2019 ساعات 11:54

مەملەكەت باسشىسى ماعزۇم مىرزاعاليەۆتى قابىلدادى

مەملەكەت باسشىسى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆتى قابىلدادى.

قازاقستان پرەزيدەنتىنە مينيسترلىكتىڭ قازىرگى جۇمىستارى، سونداي-اق، جاڭا ەكولوگيالىق كودەكستىڭ ازىرلەنۋ بارىسى تۋرالى مالىمەت بەرىلدى. مينيستر گەولوگيا سالاسىن دامىتۋ، سۋ رەسۋرستارىن ۇنەمدەۋ، ورمانداردى جانە جانۋارلار الەمىن قورعاۋ ءۇشىن قابىلدانعان شارالار جونىندە ەسەپ بەردى.

مەملەكەت باسشىسى قاتتى تۇرمىستىق قالدىقتارعا قاتىستى ماسەلەلەردى شەشۋ، سونىڭ ىشىندە سىناق الاڭدارىن ەكولوگيالىق جانە سانيتارلىق تالاپتارعا سايكەستەندىرۋ، سونداي-اق، قاتتى تۇرمىستىق قالدىقتاردى شىعارۋ جانە قايتا وڭدەۋ سالاسىنىڭ ينۆەستيتسيالىق تارتىمدىلىعىن كۇشەيتۋ قاجەتتىگىن ايتتى.

قاسىم-جومارت توقاەۆ سۋ جانە وسىمدىك الەمىن قورعاۋ، براكونەرلىكپەن جانە ورماندى زاڭسىز وتاۋمەن كۇرەس جۇرگىزۋ ماسەلەلەرى ايرىقشا باقىلاۋدا بولۋى ءتيىس ەكەنىنە توقتالدى.

سونىمەن قاتار، قازاقستان پرەزيدەنتى حالىقتىڭ ەكولوگيالىق مادەنيەتتىلىگىن ارتتىرۋعا جانە قورشاعان ورتانى قورعاۋ جۇمىستارىنا ەرىكتىلەردى تارتۋعا شاقىردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504