قر-داعى ادام قۇقىقتارى جونىندەگى ۋاكىلدىڭ شەشىمى بويىنشا نۇر-سۇلتان، الماتى، اقمولا، قاراعاندى، الماتى وبلىستارىنىڭ ۇلتتىق الدىن الۋ تەتىگىنىڭ (ۇات) ايماقتىق توپتارى تاياۋدا وتكەن ميتينگىلەر بارىسىندا ۇستالعان ازاماتتاردى ولاردىڭ زاڭدى قۇقىقتارىنىڭ ساقتالۋىنا مونيتورينگ جۇرگىزۋ ماقساتىندا ۇستاۋ ورىندارىنا جىبەرىلدى.

جالپى العاندا، ايماقتىق توپتار 20 ارنايى مەكەمەدە بولدى، وندا بارۋ كەزىندە نۇر-سۇلتان جانە الماتى قالالارىنداعى ميتينگتەرگە قاتىسقانى ءۇشىن 484 تۇتقىنعا الىنعان ازاماتتار بولدى، ولارمەن جەكە اڭگىمەلەسۋلەر جۇرگىزىلدى.

مونيتورينگ بارىسىندا اتالعان مەكەمەلەردە تۇتقىندالۋ جاعدايلارى مەن اكىمشىلىكتىڭ ءىس-ارەكەتتەرى تۋرالى جالپى شاعىمدار تۇسپەگەن. ۇستاۋ ورىندارىندا جەتكىلىكتى دارەجەدە ازىق-تۇلىك، مەديتسينالىق جانە وزگە دە كومەك قامتاماسىز ەتىلگەن.

سونىمەن قاتار، وتكىزىلگەن اڭگىمەلەسۋلەر كەزىندە جەكە ازاماتتار وزدەرىنىڭ قۇقىقتارىن بۇزۋ تۋرالى، اتاپ ايتقاندا قاماۋدا ۇستاۋدىڭ نەگىزدىلىگىنە، پوليتسيا بولىمدەرىندە بولۋ ۇزاقتىعىنا جانە ۋاقىتشا وقشاۋلاۋ ورىندارىنا جەتكىزىلۋىنە، سونداي-اق زاڭ كومەگىنە قول جەتكىزۋدىڭ شەكتەلۋىنە قاتىستى شاعىمداندى.

ۇات ايماقتىق توپتارىمەن جۇرگىزىلگەن جۇمىس ۇستالعان ادامداردىڭ ورنالاسقان جەرى تۋرالى تۋىستارىن اقپاراتتاندىرۋدى جەدەلدەتۋگە ىقپال ەتكەنىن اتاپ وتكەن ءجون.

مونيتورينگتىك بولۋلاردىڭ ناتيجەلەرى مەملەكەت باسشىسىنىڭ بەرگەن تاپسىرماسىنا سايكەس ازاماتتاردىڭ زاڭدى قۇقىقتارىن قامتاماسىز ەتۋ جونىندە بەلگىلەنگەن تارتىپتە شارالار قابىلداۋ ءۇشىن باس پروكۋراتۋراعا جىبەرىلدى.

قر ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى

Abai.kz