جۇما, 29 ناۋرىز 2024
ءدىن 4758 11 پىكىر 5 ماۋسىم, 2019 ساعات 08:38

باس ءمۇفتي: "ورازا ايت قۇتتى بولسىن!"

قادىرلى وتانداستار، قۇرمەتتى باۋىرلار!

بارشاڭىزدى كۇللى مۇسىلمان ۇمبەتىنىڭ ۇلىق مەرەكەسى – ورازا ايتپەن قۇتتىقتايمىن. ءار وتباسىنا باق پەن بەرەكە، بىرلىك پەن يگىلىك تىلەيمىن. اللا تاعالا وتىز كۇن تۇتقان ورازامىزدى، جاساعان قۇلشىلىق-عيباداتىمىزدى، بەرگەن ساداقىمىزدى، بارشا يگى يمالىمىزدى قابىل ەتىپ، مول ساۋاپتان جازعاي!

جاراتۋشى جاببار يەمىز:

«پەندەلەرiم مەن پارىز ەتكەن ورازانى اتقارىپ، اقىسىن الۋعا (ايت نامازىن وتەۋگە) مەشiتكە بەت الدى. ولار مەن ءۇشiن ورازا ۇستادى، مەنiڭ پارمەنiممەن اۋىز اشتى، ەندi قۋانىشقا كەنەلسiن...» – دەپ ءسۇيىنشى حابار جەتكىزگەن.

«ايت» ءسوزى – «مەرەكەلەۋ»، «حال سۇراسۋ»، «ءبىر-ءبىرىن قۋانتۋ»، «قۋانىشقا توپتالۋ»، «قارىمتا» دەگەن ماعىنالاردى بىلدىرەدى. اللا تاعالا بارشا وتباسىنا بەرەكەتىن جاۋدىرىپ، قاسيەتتى رامازان ايىندا ىجداھاتتىلىقپەن اۋىز بەكىتكەن جاماعاتتىڭ قۋانىشىن ارتتىرعاي!

ورازا ايت – وتباسىلىق مەرەكە. مەيرام كۇنى اتا-انامىزعا، كىشكەنتاي بۇلدىرشىندەرگە، اعايىن-تۋىستارعا سىيلىق ۇلەستىرىپ، ولاردى قۋانىشقا بولەۋ – مەرەكەنىڭ ءسانىن ارتتىرا تۇسەتىن يگى ءىس. جابىرقاعان جاندى دەمەپ، قاريالاردى قۋانىشقا بولەپ، كومەككە مۇقتاج ادامنىڭ العىسى مەن باتاسىن الۋ – ول دا ساۋاپتى امالدىڭ ءبىرى.

ايت كۇنىندە تولىق جۋىنىپ، جۇپار ءيىس سەبىنىپ، جاماعاتپەن ايت نامازىنا قاتىسۋدىڭ ساۋابى ەرەكشە. نامازعا بارۋدان بۇرىن قۇرمادان ءدام تاتۋ – پايعامبارىمىز مۇحاممەدتىڭ (وعان اللانىڭ سالاۋاتى مەن سالەمى بولسىن) سۇننەت امالى.

 

قۇرمەتتى قاۋىم!

رامازان ايىندا مەشىتتەرىمىزدە اۋىزاشار بەرىلىپ، قايىرىمدىلىق ءىس-شارالار جۇزەگە استى. كوپبالالى وتباسىلار مەن كومەككە مۇقتاج جاندارعا قايىرىمدىلىق جاسالدى. وسىناۋ يگى ىسكە ۇلەس قوسقان بارشا جومارت جاندارعا العىس ايتىپ، اللا رازى بولسىن دەيمىن.

ورازا ايت مەرەكەسى قۇتتى بولسىن! اللا تاعالا دۇعا-تىلەگىمىزدى، قاسيەتتى ايدا جاساعان قايىرلى امالىمىزدى، بەرگەن زەكەت پەن ءپىتىر ساداقامىزدى قابىل ەتكەي!

ءاربىر وتباسىنا اماندىق، جاقسىلىق تىلەيمىن. راببىمىز رامازاننان رامازانعا دەيىن ايدان امان، جىلدان ەسەن جەتكىزە بەرگەي! ەلىمىز امان، جۇرتىمىز تىنىش بولعاي! ءاۋمين!

سەرىكباي قاجى ورازقازاقستان مۇسىلماندارى ءدىني باسقارماسىنىڭ توراعاسى، باس ءمۇفتي

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618