بەيسەنبى, 28 ناۋرىز 2024
ايماق 5709 3 پىكىر 3 ماۋسىم, 2019 ساعات 18:10

قوعالىكولدەگى كونە شاھار

قىزىلوردا وبلىسى، سىرداريا اۋدانى، قوعالىكول اۋىلىنان شىعىسقا قاراي 2 شاقىرىم جەردەن قىشقالا قالاشىعىنان ەرەكشە ساۋلەتتى سەگىز قىرلى كونە عيماراتتىڭ ورنى ارشىلدى،- دەپ حابارلايدى اباي-اقپارات.

عالىمدار اتالعان نىساندى مەدرەسە دەپ جورامالداپ وتىر. بار سىرىن قۇمعا جاسىرعان قىشقالا كونە جادىگەرلەرىمەن ءالى دە تاڭداندىرۋدا. «ماسەلەن، مىنا سەگىز قىرلى عيمارات سول داۋىردەگى ساۋلەت ونەرىنىڭ ەرەكشە ۇلگىسىنە جاتادى»، – دەيدى عالىمدار.

سىرىم ەسەنوۆ، قر ۇلتتىق مۋزەيىنىڭ عىلىمي قىزمەتكەرى:

– ارينە عيماراتتىڭ ساۋلەتى وتە ەرەكشە. بۇل ءتىپتى قازاقستاندا انالوگى جوق دەۋگە بولادى. سەبەبى ءدال وسى 8 قىرلى، ىشىنە قاراي قايتادان 8 قىرلى بولمەلەر سالۋ، ونىڭ ورتاسىنا 8 قىرلى ەدەندەلگەن اسەم عيمارات سالىپ، ونىڭ ورتاسىنا باعاندار تۇرعىزىپ، 4 جەرىنەن سالۋدى ازىرگە ءبىز كەزدەستىرە قويعان جوقپىز. مۇنداعى عيماراتتاردىڭ بەزەندىرىلۋى احمەت ياسساۋي كەسەنەسىنەن كەم تۇسپەيتىنىن ايتادى ماماندار. قىشتاعى ويۋلاردان اراب جازۋلارىمەن قاتار، قازاقى ورنەكتەردى دە كورۋگە بولادى. گلازۋرلەنگەن كۇمبەز سىنىقتارى، ءتۇرلى ءتۇستى بوياۋدىڭ پايدالانىلۋى قالانىڭ اسەم كەلبەتىن ايشىقتاي تۇسەدى. كونە قالانىڭ قىزىقتى جادىگەرلەرى جەرگىلىكتى وقۋشىلاردىڭ دا عىلىمي ىزدەنىسىنە ارقاۋ بولعان، - دەيدى قر ۇلتتىق مۋزەيىنىڭ عىلىمي قىزمەتكەرى.

مامانداردىڭ ايتۋىنشا، قىشقالا قالاشىعىندا 90 جىلدارى اۋەسقوي قازبا جۇمىستارى جۇرگىزىلىپتى. بىراق تىڭعىلىقتى زەرتتەۋ جۇمىستارى قولعا الىنباعان كورىنەدى.

– ەل اۋزىنداعى اڭىزداردا الپامىس باتىردىڭ جارى گۇلبارشىن مەكەن ەتكەن قالانىڭ گەوگرافيالىق سيپاتى دا وسى ماڭعا ۇقساس كەلەدى ەكەن. مۇنداي بولجامدى قالا اۋماعىنان ارشىلعان قۇندى جادىگەرلەر دە ناقتىلاي تۇسكەنگە ۇقسايدى. دەمەك، تالاي سىردى بۇككەن قىشقالانىڭ بايىرعى بارشىنكەنت بولۋى دا عاجاپ ەمەس، - دەيدى وبلىستىق ءتاريحي جانە مادەني ەسكەرتكىشتەردى قورعاۋ مەكەمەسىنىڭ ءبولىم باسشىسى عالىمجان سادىقوۆ.

تاريحي دەرەكتەرگە سۇيەنسەك، قىشقالا قالاشىعى ورتاعاسىرعا جاتادى، سىرداريانىڭ تومەنگى اعىسى بويىندا ورىن تەپكەن. قىزىلوردا قالاسىنان وڭتۇستىك-باتىسقا قاراي 25 شاقىرىمدا ورنالاسقان

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530