بەيسەنبى, 28 ناۋرىز 2024
3335 3 پىكىر 31 مامىر, 2019 ساعات 11:25

داۋرەن اباەۆ كانديداتتاردىڭ سايلاۋالدى تەلەدەباتىنا قاتىستى پىكىر ءبىلدىردى

اقپارات جانە قوعامدىق دامۋ ءمينيسترى داۋرەن اباەۆ «حابار» ارناسىنداعى «اشىق ديالوگ» باعدارلاماسىندا 29 مامىردا وتكەن سايلاۋالدى تەلەدەباتقا قاتىستى پىكىر ءبىلدىردى، دەپ حابارلايدى قازاقپارات.

باعدارلاما جۇرگىزۋشىسى مينيسترگە «ءۇش كانديدات قاتىسپاعان تەلەدەباتتى تابىستى ءوتتى دەپ ەسەپتەۋگە بولا ما؟» دەگەن سۇراق قويدى.

«مەنىڭ ويىمشا، دەبات ويداعىداي ءوتتى، كەيبىر كانديداتتار قاتىسپاسا دا، ولاردىڭ وكىلدەرىمەن ماسەلە بولعان جوق. سەنىمدى وكىلدەر رەتىندە جاي ادامدار كەلگەن جوق، ءۇش پارتيانىڭ جەتەكشىلەرى كەلدى. دەباتقا قاتىسۋدىڭ دا ەرىكتى تۇردە جۇرگىزىلەتىنىن ەسكەرگەن ءجون. كانديداتتىڭ اتىنان سەنىمدى وكىلدىڭ دەباتقا قاتىسۋى - الەمدە بار تاجىريبە. ونىڭ سەبەپتەرى دە ءارتۇرلى بولادى. ماسەلەن، قاسىم-جومارت توقاەۆتىڭ سياقتى كانديدات بوس بولماۋى مۇمكىن. پرەزيدەنت ەاەو جوعارعى ەكونوميكالىق كەڭەسىنىڭ وتىرىسىنا قاتىستى»، - دەپ ءتۇسىندىردى داۋرەن اباەۆ.

ونىڭ ايتۋىنشا، كەيبىر كانديدات دەباتتى ءتيىمدى قۇرال دەپ ساناماۋى مۇمكىن جانە ونىڭ باعدارلاماسى مەن ساياسي سالماعى قارسىلاستارىنان اسىپ ءتۇسىپ جاتادى. سوندىقتان، پىكىرتالاسقا تۇسپەۋدى ۇيعارادى. الەمدە مۇنداي تاجىريبە كوپتەپ كەزدەسەدى.

«كانديداتتاردىڭ تىكەلەي ەفيرگە شىعىپ سويلەۋى دەبات ءۇشىن ءتيىمدى بولدى. بۇل وقيعا قوعامدىق تالقىلاۋ جۇرگىزۋ مەن ءوز ۇستانىمىن قورعاي الۋدىڭ ماڭىزدى ەكەنىن كورسەتتى. مۇندا بارلىق قاتىسۋشىنىڭ ناقتى تۇجىرىمدالعان ماسەلەلەر ءتىزىمىنىڭ بولعانىن اتاپ وتكەن ءجون»، - دەدى مينيستر.

ەسكە سالا كەتسەك، كەشە قر پرەزيدەنتتىگىنە ۇمىتكەرلەر اراسىندا تەلەۆيزيالىق پىكىرتالاس ءوتتى. كانديداتتار ءۇش راۋندتا سۇراقتارعا جاۋاپ بەرىپ، ءوز باعدارلامالارىن تانىستىردى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512