قر اقپارات جانە قوعامدىق دامۋ مينيسترلىگىندە گرانتتىق جوبالاردى جۇزەگە اسىرۋ بويىنشا شارالار تالقىلاندى.

2019 جىلعى 28 مامىردا قازاقستان رەسپۋبليكاسىنىڭ اقپارات جانە قوعامدىق دامۋ ۆيتسە-ءمينيسترى جۇلدىز وماربەكوۆانىڭ توراعالىعىمەن جوبالاردى ىسكە اسىرۋ ماسەلەلەرى بويىنشا گرانت الۋشىلارمەن جينالىس ءوتتى.

«2019 جىلى مينيسترلىكپەن ۇكىمەتتىك ەمەس ۇيىمداردى قولداۋ ماقساتىندا گرانتتىق قارجىلاندىرۋ اياسىندا 125 جوبانى ىسكە اسىرۋعا 3,4 ملرد. تەڭگە كولەمىندە قاراجات قاراستىرىلعان. جوبالاردىڭ ءبىر بولىگى جۇزەگە اسىرىلىپ جاتىر، 54 جوبا بويىنشا گرانت الۋشىلار انىقتالدى، كەلىسىم-شارت جاساۋعا قۇجاتتار دايىندالۋدا»، - دەدى جۇلدىز وماربەكوۆا.

جينالىس بارىسىندا ۆيتسە-مينيستر قويىلعان مىندەتتەردى ساپالى جۇزەگە اسىرۋ جانە تۇپكىلىكتى ناتيجەلەرگە قول جەتكىزۋ قاجەتتىگىن اتاپ ءوتتى.

«ءار قازاقستاندىق سىزدەردىڭ جوبالارىڭىزدىڭ اسەرىن سەزۋى كەرەك. مينيسترلىك تاپسىرىس بەرۋشى رەتىندە بارلىق قۇجاتتارعا، تەحنيكالىق سيپاتتامالارعا، باعالاۋ جانە جوسپارلى جۇمىس كەستەلەرىنە تولىق تالداۋ جۇرگىزەتىن بولادى. جاقىندا عانا قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆ سىبايلاس جەمقورلىقتى جويۋ جانە بيۋدجەت قاراجاتىن پايدالانۋدىڭ تيىمدىلىگىن ارتتىرۋ بويىنشا ناقتى شارالاردى اتاپ ءوتتى. وسىعان بايلانىستى، ءسىز بەن ءبىزدىڭ مىندەتىمىز – قوعامدا كەز كەلگەن سىبايلاس جەمقورلىق ارەكەتتەرگە «نولدىك توزبەۋشىلىكتى» قالىپتاستىرۋ. ءبىز ماكسيمالدى اشىقتىققا ۇمتىلامىز. وسى جىلدان باستاپ ءبىز قوعامدىق يگىلىككە قارجىلىق جانە شىعارماشىلىق ەسەپتەردى جاريالاۋعا مىندەتتى تالاپتاردى ەنگىزدىك. ءاربىر تيىن ساناۋلى. ەگەر ءسىز 15 قالام ساتىپ الىندى دەسەڭىز، بارلىق سايكەس چەكتەر ۇسىنىلۋى قاجەت».

ۆيتسە-مينيستر جوبالار اياسىندا قاراجاتتىڭ جۇمسالۋىن ۇەۇ وزدەرى دە، ەل ازاماتتارى دا قاداعالاي الاتىنىن اتاپ ءوتتى. وسىلايشا، گرانت الۋشىلاردىڭ جانە ازاماتتىق باستامالاردى قولداۋ ورتالىعىنىڭ سايتتارىندا جوبالاردى ىسكە اسىرۋ بويىنشا بارلىق ەسەپتەر جاريالاناتىن بولادى. سونىمەن قاتار، ج.وماربەكوۆانىڭ ايتۋىنشا، گرانت الۋشىلار باق جانە الەۋمەتتىك جەلىلەر ارقىلى وتكىزىلەتىن ءىس-شارالار تۋرالى حالىقتى تۇراقتى تۇردە حاباردار ەتۋى ءتيىس.

سونداي-اق، ۆيتسە-مينيستر جاستار جىلى اياسىنداعى ءىس-شارالارعا توقتالىپ ءوتتى. «ءتۇرلى باعىتتار بويىنشا 49 جوبانى جۇزەگە اسىرۋ قاراستىرىلعان. بۇل ءبىلىم، جۇمىسپەن قامتۋ، جاستار كاسىپكەرلىگى، بوس ۋاقىت، وتباسى ينستيتۋتىن نىعايتۋ، دارىندى جاستاردى قولداۋ جانە تاعى باسقالار. وسى ماقساتتارعا 2,8 ملرد.تەڭگە ءبولىندى. مىسالى، سوتتار جانىنان 8 وڭىردە (جوعارعى سوتپەن بىرلەسىپ) «باقىتتى وتباسى» وتباسىن رەسۋرستىق قولداۋ ورتالىقتارىنىڭ قىزمەتى ۇيىمداستىرىلادى، بىرىڭعاي call-ورتالىق قۇرۋ ارقىلى «قۇقىق قورعاۋشى» كەشەندى جوباسى ىسكە اسىرىلادى. العاش رەت «قازاقستاندىق وتباسىلار - 2019» ۇلتتىق بايانداماسى ازىرلەنەدى»، - دەپ اتاپ ءوتتى ج.وماربەكوۆا.

ۇەۇ گرانتتىق قارجىلاندىرۋ سالاسىنداعى وپەراتور – «ازاماتتىق باستامالاردى قولداۋ ورتالىعى» كەاق بولىپ تابىلادى.

«ازاماتتىق باستامالاردى قولداۋ ورتالىعى» كەاق باسقارما توراعاسى باتيما مۋكينا جينالىسقا قاتىسۋشىلاردى گرانتتىق جوبالاردى ىسكە اسىرۋ تەتىكتەرى، بيۋدجەت قاراجاتىن ءتيىمدى پايدالانۋ شارالارى تۋرالى حاباردار ەتتى.

Abai.kz