قىزىلوردا وبلىسى جالاعاش اۋدانىندا قۋاتتىلىعى 30 مەگاۆاتتىق كۇن ەلەكتر ستانتسياسى سالىنىپ جاتىر،- دەپ حابارلايدى اباي-اقپارات.

بۇل جوبانىڭ قۇنى 19 ميلليارد تەڭگە تۇرادى. بۇعان كۇن ەنەرگياسىن سالۋعا جالاعاش كەنتىنىڭ ماڭىنان 164 گەكتار جەر تەلىمى بەرىلگەن. قازىرگى تاڭدا وندا جول سالۋ، تەگىستەۋ جانە قورشاۋ جۇمىستارى تولىق تامامدالىپ، ستانتسيا قۇرىلعىلارى مەن كۇن پانەلدەرى جەتكىزىلدى. ىسكە قوسىلعاننان كەيىن قۋات كوزىن اۋدان كولەمىندە پايدالانۋ كوزدەلىپ وتىر.

– قۇرىلىسقا نەگىزىنەن 150-دەي ادام جۇمىلدىرىلادى. وسى ەلەكتر ستانتسياسى قوسىلعاننان كەيىن اۋدانىمىزداعى 220 كيلوۆاتت توق بەرەتىن جانە جالاعاش اۋدانىن قامتاماسىز ەتەتىن ەلەكتر ستانتسياسىنا قوسۋ نەگىزگى ەكەنشى بولىگى. نەگىزگى ماقساتى وسى اۋدان تۇرعىندارىن ەلەكتر ەنەرگياسىمەن قامتاماسىز ەتۋ بولىپ تابىلادى. جوبا نەگىزىنەن اعىمداعى جىلدىڭ قازان ايىندا بىتەدى دەگەن جوسپار بار، - دەيدى جالاعاش اۋداندىق كاسىپكەرلىك، ونەركاسىپ جانە تۋريزم ءبولىمىنىڭ باسشىسى جاسۇلان ەسپەنبەت.

وسىلايشا، جالاعاشتىق جۇرتشىلىقتىڭ وزگە وڭىرلەردەن تاسىمالداناتىن ەلەكتر ەنەرگياسىنا دەگەن تاۋەلدىلىگى ازايىپ، ەكولوگيالىق، ەكونوميكالىق تيىمدىلىگى ارتا تۇسەدى دەپ جوسپارلانۋدا.

Abai.kz