سىردىڭ باس قالاسىندا ورنالاسقان نازارباەۆ زياتكەرلىك مەكتەبىندە جىل بويى جۇرگىزىلگەن «قازاقتىڭ 100 ءانى» جوباسى ءساتتى تامامدالدى،- دەپ حابارلايدى اباي-اقپارات.

وندا حالىق جانە تاربيەلىك ءمانى زور فولكلورلىق اندەر جازىلعان. بۇل جوبانىڭ نەگىزگى ماقساتى – جاس ورەندەردى قازاق كۇيلەرى مەن ۇلتتىق اندەرىمەن سۋسىنداتىپ، تاربيەلەۋ. بيىلعى وقۋ جىلىنىڭ باسىندا جوبانى جۇزەگە اسىرۋ ءۇشىن ارنايى جۇمىس جوسپارى بەكىتىلىپ، قازاق اندەرىنىڭ ءتىزىمى جاسالعان. بەكىتىلگەن ءتىزىم نەگىزىندە زياتكەرلىك مەكتەپتىڭ «شاڭىراق» قاۋىمداستىعى ءار اپتا سايىن دۇيسەنبىلىك ساپ تۇزەۋ جيىنىندا قازاق اۋەندەردى ورىنداعان. سونداي-اق، وقۋشىلار شىعارما تاريحىن تەاترلاندىرىلعان قويىلىم ارقىلى كورەرمەندەردىڭ نازارىنا ۇسىنعان.

ەستەرىڭىزگە سالا كەتەيىك، «قازاقتىڭ 100 ءانى» جوباسىنىڭ ماڭىزدىلىعى ءبىلىم، عىلىم، مادەنيەت ماسەلەلەرى جونىندەگى بۇۇ تاراپىنان مويىندالعان بولاتىن. “Almaty Youth Space” جاستار فەستيۆالى اياسىندا وتكەن شىعارماشىلىق بايقاۋىندا بۇل جوبا “مۋزىكا – ءبىزدىڭ مۇرامىز“ نوميناتسياسى بويىنشا ۇزدىك بولىپ تانىلدى

Abai.kz