26 مامىردا الماتىداعى «سۇڭقار» حالىقارالىق شاڭعى ترامپليندەر كەشەنىندە ۇلتتىق سپورت ءتۇرى بەلدەسۋدەن ەكىنشى كەزەكتى رەسپۋبليكالىق «حالىق بارىسى» ءتۋرنيرى ءوتتى.

«حالىق بارىسى-2019» تۋرنيرىنە ەلىمىزدىڭ ءار وڭىرىنەن كەلگەن مىڭداعان بالۋان قاتىستى. 25 مامىر كۇنى جارىستىڭ ىرىكتەۋ كەزەڭى ءوتىپ، 32 بالۋان نەگىزگى كەزەڭگە جولداما الدى.

بەلدەسۋ - بالۋاننىڭ جاسى مەن سالماعىنا شەكتەۋ قويىلمايتىن ناعىز حالىقتىق سپورت. وسى ءتۋرنيردىڭ بىردەن-ءبىر ەرەكشەلىگى دە سول، جارىسقا 18 جاستان 50 جاسقا دەيىنگى كەز-كەلگەن ازاماتى قاتىسا الادى. باستى شارت، ءاربىر قاتىسۋشىنىڭ سالماعى 70 كەلىدەن اسۋى ءتيىس. جارىس قازاقستان رەسپۋبليكاسى فەدەراتسياسى بەكىتكەن ەرەجەلەرگە سايكەس وتكىزىلدى.

ەكى كۇنگە جالعاسقان الامان دودانىڭ ناتيجەسىندە، مىڭنان وزا شاپقان ءتورت بالۋان ارنايى جۇلدەگە يە بولدى. ايتا كەتەرلىگى، بيىلعى جۇلدە قورى 20 ميلليون تەڭگەنى قۇرادى.

سونىمەن، اقتىق سىندا قوستانايلىق تالعات جيەنتاەۆتى جەڭگەن داۋرەن نۇرالينوۆ (الماتى قالاسى) قازاقستاننىڭ ەكىنشى كەزەكتى «حالىق بارىسى» اتاندى. وعان 9 ملن تەڭگە، ديپلوم، مەدال، شاپان سىيعا تارتىلدى. ونىڭ باپكەرى ءارى تۇڭعىش كەزەڭتى «حالىق بارىسى» ءتۋرنيرىنىڭ جەڭىمپازى ماقسات قيقىموۆقا 1 ملن تەڭگە سىياقى بەرىلدى.

ال فينالدا سۇرىنگەن تالعات جيەنتاەۆ (قوستاناي وبلىسى) 4,5 ملن تەڭگە، ديپلوم، مەدال جانە شاپان سىيعا الدى. ونىڭ باپكەرى توقتار جيەنتاەۆ 500 مىڭ تەڭگەمەن سىيلاندى.

ءىىى ورىن العان عالىمجان قىرىقباەۆ (جامبىل وبلىسى) 2,7 ملن تەڭگەگە يە بولدى. بۇدان بولەك، ارنايى ديپلوم، مەدال، شاپان سىيعا تارتىلدى. جاتتىقتىرۋشىسى باحتيار اقبەرگەنوۆكە 300 مىڭ تەڭگە تابىستالدى. ءىV ورىن يەگەرى ەرنار ماعاۋينوۆ (الماتى قالاسى) 1,8 ملن تەڭگەگە قوسا، ديپلوم، مەدال، شاپانمەن سىيلاندى. ونىڭ جاتتىقتىرۋشىسى ەرمەك ناسيەۆكە 200 مىڭ تەڭگە بەرىلدى.

ۇلتتىق سپورت ۇلىقتالعان تۋرنيرگە قر مادەنيەت جانە سپورت ۆيتسە-ءمينيسترى ە.رامازانوۆ، الماتى قالاسىنىڭ اكىمى ب.بايبەك، ماسكەۋ وليمپياداسىنىڭ جەڭىمپازى ج.ۇشكەمپىروۆ، قر ەڭبەك سىڭىرگەن سپورت قايراتكەرى د.بيتكوزوۆ، قر قازاق كۇرەسى فەدەراتسياسىنىڭ پرەزيدەنتى ا.شوراەۆتار قاتىستى.

قۋانىش قاپپاس

Abai.kz