قىزىلوردا وبلىسىنىڭ اكىمى قىرىمبەك كوشەرباەۆ كوپبالالى وتباسىلاردىڭ باسپانا ماسەلەسىن شەشۋ ءۇشىن 150 وتباسىنا باسپانا سالىپ بەرۋدى باستادى، -دەپ حابارلايدى اباي-اقپارات. «بالامەكەن» جوباسىنىڭ اياسىندا ۇيىمداستىرىلىپ وتىرعان بۇل الەۋمەتتىك شارا بولات وتەمۇراتوۆتىڭ جەكە قورىمەن بىرلەسە قولعا الىنعان. 

بۇگىندە «بايتەرەك» شاعىن اۋدانىن­دا باسپانا قۇرىلىسى قارقىندى ءجۇرىپ جاتىر. بۇل قۇرىلىستى «اۆانگارد» جشس جۇرگىزۋدە. بريگاديرلەردىڭ ايتۋىنشا، مۇندا ءار قۇرىلىس كومپانياسىنا ءۇش ۇيدەن بولىنگەن. قازىر قۇرىلىس نىسانىندا 20 ادام جۇمىس ىستەپ جاتىر. جوسپارعا سايكەس، باسپانا قۇرىلىسى وسى ايدىڭ اياعىندا تولىق اياقاتالادى.

تاعى ءبىر باسپانا قۇرىلىسىن جۇرگىزىپ وتىرعان  – «استانا سەرۆيس» جشس. قازىر، بۇل الاڭدا 70 ادام جۇمىس ىستەپ جاتقان كورىنەدى. سونداي-اق، تۇرعىن ءۇي قۇرىلىسىنا قىزىلوردا وڭىرىنە جاقسى تانىس  «ابۋ-سەر» جشس مەكەمەسى دە قارقىندى ۇلەس قوسىپ جاتىر. بۇل مەكەمە قازىردىڭ وزىندە 4 ءۇيدىڭ قۇرىلىسىن جۇرگىزىپ جاتقان كورىنەدى. ءسويتىپ، بۇل اۋماقتا 25 ادام ەڭبەك ەتىپ جاتىر.

تاعى ءبىر جاقسى جاڭالىق، سالىنىپ بىتكەن ءار ءۇيدىڭ الدىندا 6 سوتىق باۋ-باقشاعا ارنالعان جەرلەر بار.

وسىلايشا سىر ءوڭىرى ەلباسى تاپسىرماسىن ۇلكەن قارقىنمەن ورىنداۋدا.

داۋرەن سەيىتجانۇلى

Abai.kz