جۇما, 29 ناۋرىز 2024
ايماق 4539 5 پىكىر 17 مامىر, 2019 ساعات 11:14

قىزىلوردادا ەت كومبيناتىنىڭ قۇرىلىسى باستالدى

ايماقتىڭ ازىق-تۇلىك قاۋىپسىزدىگىن نىعايتۋعا جانە ەت ونىمدەرىنىڭ ەكسپورتىن ارتتىرۋ باعىتتالعان بۇل جوبا بەرەرى مول. اتالعان نىسان قىزىلوردا قالاسىنا قوڭسى قونعان تالسۋات اۋىلدىق وكرۋگىندە ورنالاسقان، - دەپ حابارلايدى اباي-اقپارات.

ىرگەسى قالانعان ەت كومبينات ۆاكۋمدىق قاپتامادا جىلىنا 5 مىڭ توننا تەرەڭ وڭدەلگەن ەت وندىرۋگە قاۋقارلى. سونىمەن قاتار، مۇندا 25 ادام تۇراقتى جۇمىسپەن قامتىلماق. جوبا بويىنشا قۇرىلىس جۇمىستارى جىل سوڭىندا تولىق تامامدالىپ، ىسكە قوسىلادى. نەگىزگى ينۆەستورى – «سىر مارجانى» جشس.

– وبلىسىمىزدا يندۋستريالىق دامۋ باعدارلاماسى ناتيجەلى ىسكە اسىرىلىپ، ءوڭىردىڭ الەۋمەتتىك-ەكونوميكالىق دامۋى ءۇشىن وتە ماڭىزدى بىرقاتار ءوندىرىس ورىندارىنىڭ قۇرىلىستارى باستالدى. وبلىس ەكونوميكاسىن يندۋستريالاندىرۋ ماسەلەسى وتە ماڭىزدى بولعانىمەن، اۋىل شارۋاشىلىعى قاشاندا ەل ەكونوميكاسىن العا سۇيرەيتىن جەتەكشى سالانىڭ ءبىرى رەتىندە قالا بەرەدى.  ەلباسىنىڭ تاپسىرماسىنا سايكەس قازىر ەلىمىزدە «ەتتى مال شارۋاشىلىعىن دامىتۋ» باعدارلاماسى قابىلدانىپ، ىسكە اسىرىلۋدا. وزدەرىڭىز بىلەتىندەي، 2016 جىلى وبلىس بۋفەرلىك ايماقتان شىعارىلىپ، ەت ەكسپورتتايتىن ايماقتاردىڭ قاتارىنا ەندى. دەگەنمەن، وبلىستا حالىقارالىق ستاندارتقا ساي ەت كومبيناتىنىڭ بولماۋىنان ءبىز بۇگىنگە دەيىن ءىرى قارا، قوي، تۇيە مالدارىن تىرىلەي ەكسپورتتاپ كەلدىك. بۇگىن ىرگەتاسىن قالاعالى وتىرعان ەت كومبيناتىنىڭ قۇرىلىسى ارقىلى ءبىز وبلىستىڭ ازىق-تۇلىك قاۋىپسىزدىگىن نىعايتىپ، ەت ەكسپورتىن ۇلعايتاتىن بولامى ، - دەدى وبلىس اكىمى قىرىمبەك كوشەرباەۆ.

ايتا كەتەيىك، وتكەن جىلى سىر ەلى وزبەكستان، يران، بىرىككەن اراب امىرلىگىنە جانە رەسەيگە 10,4 مىڭ باس قوي، 100 باس ءىرى قارا، 366 باس ءتىرى تۇيە جىبەرگەن ەكسپورتقا بولاتىن. سوڭعى جىلدارى وبلىستا اسىراۋشى سالادا سىرتقى نارىققا جول تارتقان ونىمدەر 3-تەن 15 پايىزعا دەيىن ۇلعايعان. ال بىلتىرعى جىلدىڭ قورىتىندىسى بويىنشا ەكسپورتتىڭ 97% – وڭدەلگەن ءونىمنىڭ ەنشىسىندە.

داۋرەن سەيىتجانۇلى

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541