بەيسەنبى, 19 قىركۇيەك 2019
قوعام 2532 8 پىكىر 14 مامىر, 2019 ساعات 14:02

تەلەدەبات تىكەلەي ەفيردە ءوتۋى مۇمكىن

قازاقستان پرەزيدەنتتىگىنە ۇمىتكەرلەردىڭ تەلەدەباتى تىكەلەي ەفيردە ءوتۋى مۇمكىن. بۇل تۋرالى قر اقپارات جانە قوعامدىق دامۋ ءمينيسترى داۋرەن اسكەربەكۇلى ايتتى. 

"قازىرگى ۋاقتا مەنىڭ بىلۋىمشە، تەلەدەبات وتەدى. ءتىپتى ول تىكەلەي ەفيردە ءوتۋى مۇمكىن" دەپتى داۋرەن اباەۆ ۇكىمەت ءۇيىنىڭ دالىزىندە تۇرىپ.

ەستەرىڭىزگە سالا كەتەيىك، قازاقستان پرەزيدەنتتىگىنە ۇمىتكەرلەردىڭ ۇگىت-ناسيحات جۇمىستارى 11 مامىر كۇنى كەشكى ساعات 18:00-دە باستالعان بولاتىن. ول 7 ماۋسىم تۇنگى ساعات 00:00-دە اياقتالادى. ال 8 ماۋسىم ۇنسىزدىك كۇنى. بۇل كۇنگى كەز كەلگەن ۇگىت جۇمىسى زاڭسىز دەپ تانىلادى. سايلاۋ 9 ماۋسىمعا بەلگىلەنگەن. داۋىس بەرۋ اياقتالعاننان كەيىن 12 ساعات ىشىندە بيۋلەتەندەر سانالىپ، قورىتىندى شىعارىلادى.

ال كانديداتتاردى تىركەۋ ۋاقىتىنان بۇرىن اياقتالعان. وسىعان دەيىن ورتالىق سايلاۋ كوميسسياسى 7 ادامدى ۇمىتكەر رەتىندە تىركەپ، كانديدات كۋالىگىن تاپسىرعان. ولار:

قاسىم-جومارت توقاەۆ (نۇر وتان پارتياسىنان),

سادىبەك تۇگەل (ۇلى دالا قىراندارى ۇيىمىنان),

امانگەلدى تاسپيحوۆ (كاسىپوداقتار فەدەراتسياسىنان),

دانيا ەسپاەۆا (اق جول پارتياسىنان),

تولەۋتاي راقىمبەكوۆ (اۋىل پارتياسىنان),

جامبىل احمەتبەكوۆ (كوممۋنيستەر پارتياسىنان),

ءامىرجان قوسانوۆ (ۇلت تاعدىرى قوزعالىسىنان).

ەسكەرتۋ، ۇمىتكەرلەردىڭ ءتىزىمى ولاردىڭ كانديداتتىققا رەسمي تىركەلۋ رەتى بويىنشا جازىلدى.

Abai.kz

8 پىكىر