ۇزاق ۋاقىت بويى جۋرناليستيكا سالاسىندا جەمىستى جۇمىس ىستەگەن ارىپتەسىمىز عالىمجان مەلدەش قر مادەنيەت جانە سپورت مينيسترلىگى جانىنداعى ءتىل ساياساتى كوميتەتىنىڭ توراعاسى قىزمەتىنە تاعايىندالدى.  عالىمجان سارسەنبايۇلى بۇعان دەيىن دە مەملەكەتتىك ءتىلدىڭ مارتەبەسىن كوتەرىپ، ءتىل ساياساتىنىڭ وڭ باعىتتا دامۋىنا ۇلكەن ۇلەس قوسىپ جۇرگەن ازامات بولاتىن. سوندىقتان دا، ءبىزدىڭ ويىمىزشا بۇل سالا عالىمجان مەلدەش باۋىرىمىزعا جات ەمەس.

ءبىز Abai.kz پورتالىنىڭ ۇجىمى اتىنان عالىمجان سارسەنبايۇلىنىڭ ءتىل ساياساتى كوميتەتىنىڭ توراعاسى قىزمەتىنە تاعايىندالۋىمەن شىن جۇرەكتەن قۇتتىقتاپ، شىعارماشىلىق تابىستار تىلەيمىز!

Abai.kz پورتالىنىڭ ۇجىمى

قر مادەنيەت جانە سپورت مينيسترلىگى ءتىل ساياساتى كوميتەتىنىڭ توراعاسى قىزمەتىنە عالىمجان سارسەنبايۇلى مەلدەشوۆ تاعايىندالدى.

عالىمجان مەلدەشوۆ 1964 جىلى 30 ساۋىردە الماتى قالاسىندا دۇنيەگە كەلگەن. 1981-1986 جىلدارى الماتى قالاسىندا س.م. كيروۆ اتىنداعى قازاق مەملەكەتتىك ۋنيۆەرسيتەتىن «جۋرناليست» ماماندىعى بويىنشا ءتامامدادى. 1986-1989 جىلدار ارالىعىندا وڭتۇستىك قازاقستان وبلىسى بوگەن اۋداندىق گازەتىندە جاۋاپتى حاتشى، باس رەداكتوردىڭ ورىنباسارى،  وبلىستىق «وڭتۇستىك قازاقستان» گازەتىندە قىزمەتكەر، 1989-1999 جىلدار ارالىعىندا رەسپۋبليكالىق «لەنينشىل جاس» - «جاس الاش» گازەتىندە ءبولىم مەڭگەرۋشىسى، جاۋاپتى حاتشى، باس مەنەدجەر، 1999-2009 جىلدار ارالىعىندا «تۇركىستان» گازەتىندە باس رەداكتوردىڭ ورىنباسارى، 2009-2012 جىلدار ارالىعىندا «قازاقستان» رترك «قازاق راديوسىنىڭ» باس ديرەكتورى، 2012-2013 جىلدار ارالىعىندا قازاقستان رەسپۋبليكاسى ءبىلىم جانە عىلىم ءمينيسترىنىڭ كەڭەسشىسى، وسى مينيسترلىككە قاراستى «عىلىم قورى» اق اكىمشىلىك دەپارتامەنتىنىڭ ديرەكتورى، 2013-2014 جىلدار ارالىعىندا ماڭعىستاۋ وبلىسى اكىمدىگىنىڭ «ماڭعىستاۋ-مەديا» حولدينگىنىڭ باس ديرەكتورى، 2014-2016 جىلدار ارالىعىندا قازاقستان رەسپۋبليكاسى مادەنيەت جانە سپورت ءمينيسترىنىڭ كەڭەسشىسى، 2016-2018 جىلدار ارالىعىندا  قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى توراعاسىنىڭ ورىنباسارى.

2018 جىلدىڭ قىركۇيەك ايىنان باستاپ قازاقستان رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى كوميتەتى توراعاسىنىڭ ورىنباسارى قىزمەتىن اتقارۋدا.

مەملەكەتتىك ناگرادالارى: «قۇرمەت» وردەنى. «قازاقستان رەسپۋبليكاسىنىڭ تاۋەلسىزدىگىنە 25 جىل»، «قازاقستان رەسپۋبليكاسى كونستيتۋتسياسىنىڭ 20 جىلدىعى» مەرەكەلىك مەدالدارى، قازاقستان رەسپۋبليكاسىنىڭ مادەنيەت قايراتكەرى.

عالىمجان مەلدەشوۆ - پسيحولوگيا عىلىمدارىنىڭ كانديداتى، PhD دوكتورى.

Abai.kz