سەيسەنبى, 19 قاراشا 2019
1546 0 پىكىر 30 ءساۋىر, 2019 ساعات 10:36

رەسەي قازاقستان مەن قىرعىزستانعا اۋدارىلاتىن اقشاعا ليميت ورناتتى

رەسەيدىڭ ورتالىق بانكى ۆەتنام، قازاقستان، قىرعىزستان جانە قىتايعا اۋدارىلاتىن اقشاعا ليميت ورناتتى. بۇل تۋرالى "ۆەدوموستي" ءۇش دەرەككوزگە سىلتەمە جاساپ حابارلادى.

گازەت مالىمەتى بويىنشا، ليميت 16 ساۋىردەن باستاپ كۇشىنە ەنگەن. قازاقستان ءۇشىن ول ايىنا 150 مىڭ رۋبل بولسا، قالعان ەلدەرگە 100 مىڭ رۋبل بەكىتىلگەن. وسىلايشا مەكەمە جاسىرىن وپەراتسيالارمەن وسىلاي كۇرەسۋدى كوزدەپ وتىر.

تاعى ءبىر دەرەككوز مالىمەتىنە قاراعاندا، رەسەي نارىعىندا ساۋدا جاسايتىن شەتەلدىكتەر تاۋار ساتىپ الۋ ءۇشىن اقشا اۋدارادى، بىراق زاڭدى تۇلعا نەمەسە جەكە كاسىپكەر رەتىندە تىركەلمەيدى. اقشا نەگىزىنەن وسى ەلدەرگە ءجيى اۋتارىلادى، سوعان بايلانىستى ولارعا ليميت ورناتىلعان.

ربك مالىمەتى بويىنشا، رەسەيدەن اۋدارىلاتىن اقشا كولەمى بويىنشا وزبەكستان الدا تۇر (2018 جىلى 14 ملرد دوللار اۋدارىلعان), ەكىنشى ورىندا — قىرعىزستان ($1,3 ملرد). قىتاي ءتورتىنشى ورىنعا تۇراقتادى($675 ملن), قازاقستان — ورىندا ($392 ملن), ال ۆەتنام — 12-ورىندا ($175 ملن) ورنالاستى.

وتكەن جىلى ەڭبەك ميگرانتتارى الەم بويىنشا تۋعان ەلدەرىنە 529 ملرد دوللار اۋدارعان. اقشا اۋدارىلىمى 2017 جىلمەن سالىستىرعاندا 9,6 پايىزعا وسكەن.

Abai.kz

0 پىكىر