جەكسەنبى, 23 اقپان 2020
1874 0 پىكىر 29 ءساۋىر, 2019 ساعات 13:07

«دينامو» دشسق «ۇلى دالا ساقشىلارى» جوباسىن ىسكە اسىرۋدى باستادى

ەلىمىزدەگى ىرگەلى «دينامو» دەنە شىنىقتىرۋ جانە سپورت قوعامى «رۋحاني جاڭعىرۋ» باعدارلاماسى جانە جاستار جىلى اياسىندا بالالار، جاسوسپىرىمدەر مەن جاستار اراسىندا «ۇلى دالا ساقشىلارى» جوباسىن ىسكە اسىرۋدى باستادى. يگى باستاما الماتى قالالىق پوليتسيا دەپارتامەنتى، قۇقىق قورعاۋ ورگاندارى، كۇشتىك جانە باسقا دا ارنايى قۇرىلىمداردىڭ ارداگەرلەر كەڭەستەرىمەن بىرگە جۇزەگە اسىرىلماق.

جۇمىس تاجىريبەسىمەن ءبولىسۋ جانە وسى جوبادا بىرلەسكەن مىندەتتەردى انىقتاۋ ءۇشىن الماتىدا، «دينامو» ورتالىق كەڭەسىندە پوليتسيا دەپارتامەنتىنىڭ، تجد، قر ۇلتتىق ۇلانىنىڭ «وڭتۇستىك» وڭىرلىك قولباسشىلىعىنىڭ، قورعانىس ىستەرى جونىندەگى دەپارتامەنتتىڭ، دەنە شىنىقتىرۋ جانە سپورت عىلىمي-پراكتيكالىق ورتالىعىنىڭ، جاستار رەسۋرستىق ورتالىعىنىڭ، قر ۇقك شەكارا قىزمەتى اكادەميالارىنىڭ جانە قوعامدىق قورلاردىڭ وكىلدەرى جينالدى.

«ۇلى دالا ساقشىلارى» جوباسىنىڭ ماقساتى – كاسىبي باعدار بەرۋ جۇمىسىنىڭ وزەكتى ماسەلەلەرىن تالقىلاۋ جانە شەشۋ، سونداي-اق، قر ۇلتتىق ۇلانى مەن شەكارا قىزمەتىنىڭ اسكەري قىزمەتشىلەرى، سونىمەن قوسا ەلدەگى قاۋىپسىزدىك پەن تىنىشتىقتى قامتاماسىز ەتەتىن باسقا دا قۇرىلىمداردىڭ قوعامدىق ءتارتىپ پەن قاۋىپسىزدىكتى قورعاۋعا بايلانىستى ماماندىق تاڭداۋدا وقۋشىلارعا كومەك كورسەتۋ، ءتارتىپ كۇزەتى ماماندىعىنىڭ بەدەلىن ارتتىرۋ.

كەزدەسۋ بارىسىندا قاتىسۋشىلار قۇقىقتىق ءتارتىپ پەن قاۋىپسىزدىك سالاسىنداعى ءارى قارايعى قىزمەتكە جاستاردى كاسىبي باعدارلاۋ سالاسىندا مەكتەپتەر مەن كوللەدجدەرمەن ءوزارا ءىس-قيمىل بويىنشا پىكىر الماسىپ، تاجىريبە الماستى. اتاپ ايتساق، كوپ جىلدان بەرى  «جاس بۇركىت بالالار سپورت ۇيىرمەلەرىندە، اۆيامودەلدى، ءورت-قۇتقارۋ، كوشە سپورتتارىندا –WorkOut-تە ەرتە كاسىبي داعدىلارى داميدى، ال «دينامو» دشسق شىمكەنت قالالىق فيليالىنىڭ تاجىريبەسى تۋرالى ءبىلۋ وتە قىزىقتى بولدى.

الماتى قالاسى بوستاندىق اۋدانىنىڭ قورعانىس ىستەرى جونىندەگى باسقارماسىنىڭ تاجىريبەسى تانىمدى. وندا اۋدان وقۋشىلارىنىڭ سپورتتىق، اسكەري-پاتريوتتىق تاربيەسىن قامتيتىن «جاس سارباز» قوزعالىسى جۇمىس ىستەيدى. ال «وڭتۇستىك» وڭىرلىك قولباسشىلىعى ءوڭىردىڭ 20 مەكتەبىندە «جاس بۇركىت» سىنىپتارىن اشۋدى جوسپارلاپ وتىر.

«ۇلى دالا ساقشىلارى» جوباسىن ۇيىمداستىرۋشىلاردىڭ كوزقاراسىنشا – ول مەكتەپ، گيمنازيا، كوللەدج، سونداي-اق اسكەري ءبىلىم بەرۋ ليتسەيلەرى وقۋشىلارىنىڭ فيزيكالىق، پاتريوتتىق تاربيەسى ارقىلى كاسىبي رەزەرۆتى دايارلاۋدا كەزەڭ-كەزەڭمەن جۇزەگە اسىرىلادى.

«دينامو» اتالمىش جوبانى دامىتۋدىڭ جان-جاقتى، امبەباپ جولدارىن جوسپارلاپ وتىر. بۇل بالالار مەن جاستاردىڭ وليمپيادالىق، قىزمەتتىك-قولدانبالى جانە ۇلتتىق سپورت تۇرلەرىن تانىمال ەتۋ، سونداي-اق سپورتتىق ۆيكتورينالار، ەستافەتالار مەن وتباسىلىق ستارتتار وتكىزۋ ارقىلى ساباققا دەگەن تۇراقتى قىزىعۋشىلىعىن وياتۋ.

«ۇلى دالا ساقشىلارى» جوباسى بويىنشا العاشقى بىرلەسكەن ءىس-شارانى حالىقارالىق بالالاردى قورعاۋ كۇنى قارساڭىندا وتكىزۋ جوسپارلانىپ وتىر.

«دينامو» دشسق وك

ءباسپاسوز ورتالىعى

Abai.kz

0 پىكىر