جۇما, 29 ناۋرىز 2024
4399 0 پىكىر 29 ءساۋىر, 2019 ساعات 12:34

تالعات ەرعاليەۆ پرەزيدەنتتىك سايلاۋعا قاتىسۋ تۋرالى ءوتىنىشىن قايتارىپ الدى

تالعات ەرعاليەۆ «اق جول» پارتياسىنىڭ ءبىراۋىزدان سايلانعان كانديداتى دانيا ەسپاەۆاعا قولداۋ ءبىلدىرىپ، ءوزىنىڭ پرەزيدەنتتىك سايلاۋعا قاتىسۋ تۋرالى ءوتىنىشىن قايتارىپ الدى

«اق جول» دەموكراتيالىق پارتياسىنىڭ توراعاسى ازات پەرۋاشەۆ قازاقستاننىڭ قۇرىلىسشىلار وداعىنىڭ اتىنان پرەزيدەنتتىككە كانديدات رەتىندە ءوزىن ۇسىنۋ تۋرالى ءوتىنىش بەرۋ مالىمدەمەسىنە بايلانىستى پارتيانىڭ مۇشەسى تالعات ەرعاليەۆپەن كەزدەستى. بەلگىلى بولعانداي، جۋىردا عانا وتكەن پارتيانىڭ سەزىندە التى ۇمىتكەر بويىنشا قۇپيا سايلاۋ وتكەن بولاتىن. وندا قۇرىلىسشىلار وداعىنىڭ جەتەكشىسى 31,6% داۋىسقا يە بولىپ، ەكىنشى ورىن العان.

ازات پەرۋاشەۆ ءوز كانديداتۋراسىن ۇسىنعان كەز-كەلگەن ازاماتقا سەكىلدى تالعات ەرعاليەۆتىڭ قۇقىعىنا دا قۇرمەتپەن قارايتىنىن ءتۇسىندىردى. ونىڭ ۇستىنە، مۇنداي قادام جاساۋىنا تۇرتكى بولعانى ونىڭ پارتيالىق داۋىس بەرۋ كەزىندە جوعارى ناتيجەگە قول جەتكىزگەنى ەكەنى ونسىز دا تۇسىنىكتى. الايدا، ول «پرايمەريزدىڭ» التى قاتىسۋشىلارىنا پارتيانىڭ ءبىراۋىزدان سايلانعان ۇمىتكەرى دانيا ەسپاەۆانىڭ كومانداسىنا قوسىلۋ تۋرالى قۇرىلتايدىڭ شەشىمى جونىندە ەسكە سالىپ ءوتتى.

ءوز كەزەگىندە، ت. ەرعاليەۆ سەزدىڭ سايلاۋ قورىتىندىسىنا قاتىستى ەشبىر ءمىنى جوق ەكەنىن حابارلادى. ول قر قۇرىلىسشىلار وداعىنىڭ اتىنان ۇمىتكەرلىككە ءوزىن ۇسىنۋىن دۇرىس دەپ سانايدى. ويتكەنى، بۇل ۇيىمدى بۇرىننان باسقارىپ كەلە جاتقاندىقتان، اتالمىش سالاداعى وتكىر ماسەلەلەردى جانە تۇرعىنداردىڭ قولجەتىمدى باسپاناعا دەگەن مۇقتاجدىعىن ەگجەي-تەگجەيلى بىلەدى. بۇل تۇيتكىلدى ماسەلەلەرگە مەملەكەتتىك دەڭگەيدە ءتيىستى نازار اۋدارىلىپ جاتقان جوق دەپ پايىمدايدى.

سونداي-اق، ول ءبىر عانا پارتيانىڭ اتىنان بىردەن ءۇش پارتيا مۇشەسىنىڭ ءار ءتۇرلى قوعامدىق بىرلەستىكتەردىڭ اتىنان  سايلاۋعا كانديداتتىققا ۇسىنىلعانى جونىندە مىسالدار كەلتىرىپ ءوتتى.

سوعان قاراماستان، «اق جول» پارتياسىنا دەگەن ءوزىنىڭ سىي-قۇرمەتىن ءبىلدىرىپ، پارتيا توراعاسىمەن اڭگىمەلەسكەننەن كەيىن تالعات ەرعاليەۆ ورتالىق سايلاۋ كوميسسياسىنان ءوزىنىڭ ءوتىنىشىن قايتارىپ الۋعا نيەتتى ەكەنىن جانە دانيا ەسپاەۆانىڭ سايلاۋالدى ناۋقانىنا قاتىسۋعا ءازىر ەكەنىن مالىمدەدى.

ازات پەرۋاشەۆ قر قۇرىلىسشىلار وداعىنىڭ توراعاسىنا تىلەكتەستىگى مەن ەر-ازاماتقا ءتان ارەكەتى ءۇشىن ءوز العىسىن ءبىلدىردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3596